У Аргенціне выпусцілі купюры, якія ў 25 разоў перавышаюць намінал ранейшай самай вялікай
На фоне эскалацыі інфляцыі, якая ўзмацнілася пасля апошняй дэвальвацыі песа, прэзідэнт Хаўер Мілей пацвердзіў, што Цэнтральны банк выпусціць банкноты наміналам 20 і 50 тысяч песа, каб палегчыць цяжкасці, якія ўзнікаюць пры аперацыях з наяўнымі.
«Гэта нейкае катаванне з грашыма. Уяві, што табе трэба ўнесці плацеж наяўнымі, і ты павінен хадзіць з пачкам папер, пасля чаго на лбе ў цябе будзе бірка з надпісам «Крадзі тут». Відавочна, што ўсе бачаць, што вы несяце грошы», — заявіў ён у інтэрв'ю La Nation.
Цяпер самая буйная купюры ў Аргенціне — 2 тысячы песа, але за яе можна купіць менш за два кілаграмы крупы або цукру.
Прычым гэтыя купюры (2000 песа) знаходзяцца ў абарачэнні менш за год: іх пачалі выпускаць толькі ў лютым 2023 года. Датуль самай буйной у краіне была купюра ў адну тысячу песа.
Гадавая інфляцыя ў Аргенціне складае 160%. Яна паскорылася пасля абрання Мілея прэзідэнтам 19 лістапада.
Першым крокам Мілея на новай пасадзе стала павышэнне афіцыйнага курса даляра з 366 да 800 песа.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску10
Каментары