Журналіст Юрась Дзяшук, які родам з Бярозаўкі Лідскага раёна, праглядаў сайт мясцовай раёнкі і заўважыў там кур'ёзны факт. Аказваецца, яе супрацоўнікі палічылі за лепшае заблюрыць на вопратцы пажылога мужчыны, які прыйшоў на сустрэчу са старшынёй райвыканкама, элементы амерыканскай сімволікі.
Старшыня Лідскага райвыканкама Сяргей Ложачнік 13 снежня праводзіў выязны прыём грамадзян у аграгарадку Беліца.
Паводле паведамлення раёнкі, «ад мясцовых жыхароў-пенсіянераў і фермера былі прапановы па паляпшэнні мясцовай дарожнай інфраструктуры». Таксама вяскоўцы падымалі «пытанні бяспекі дарожнага руху веласіпедыстаў і сельгастэхнікі па вуліцах аграгарадка, спрэчныя моманты пры афармленні дакументаў на зямельныя ўчасткі і іншыя».
Мерапрыемства даволі будзённае і нічым асабліва не прыкметнае, але Юрась Дзяшук заўважыў, што адзін з пажылых наведнікаў выязной прыёмнай прыйшоў на сустрэчу ў куртцы, на якой былі вышытыя элементы амерыканскай сімволікі. Такія курткі можна легальна набыць у крамах ці на рынках, ды і ўвогуле амерыканская сімволіка нават у лукашэнкаўскай Беларусі пакуль не забароненая. Але раённыя прапагандысты ад граху падалей яе на ўсялякі выпадак заблюрылі. Хоць іншае фота, знятае не буйным планам, дазваляе разабрацца, што там было.
«Абсалютна дурная і бязглуздая ідэя — замазваць сцяг ЗША на фота. Здаецца, нават у СССР у часы «халоднай вайны» з Амерыкай не займаліся такой дуратой, як зараз у Лідзе. Ідэалагічныя фобіі лідскіх прапагандонаў прабіваюць чарговае дно! Уяўляю сабе, як у іх ажно крываточаць вочы і ідзе пена з рота пры выглядзе амерыканскага сцяга», — напісаў журналіст.
Галоўным рэдактарам выдання «Лідская газета» з 1 ліпеня 2022 года з'яўляецца Павел Івуць. Перад тым, як заняць гэтую пасаду, ён быў начальнікам фінансавага аддзела Шчучынскага РАУС.
Кіраўнік АНТ Маркаў: Мне б хацелася, каб мы пайшлі далей, каб у атачэнні «Вагнера» і 3214 пілі спакойна каву на Елісейскіх палях
Прапагандыстка паразважала пра ChatGPT і расказала, якога беларускага дзеяча не зможа замяніць нейрасетка
Фэйкамёт Прыдыбайла страляе халастымі — рэпосціць «голую вечарынку ў штабе БНФ»
Каго глядзелі болей і што ў каментарах? Параўналі навагоднія звароты Ціханоўскай і Лукашэнкі24
Каментары