ЗША і Турцыя прыпыняюць выкарыстанне адной з мадэляў Boeing — у самалёта ў палёце сарвала аварыйныя дзверы
Інцыдэнт з Boeing 737 MAX 9 здарыўся 5 студзеня 2024 года. У самалёта авіякампаніі Alaska Airlines у палёце сарвала дзверы аварыйнага выхаду. Самалёт прызямліўся ў амерыканскім Портлэндзе праз 35 хвілін пасля ўзлёту. У ім былі 171 пасажыр і 6 членаў экіпажу. Паведамлялася, што ніхто не пацярпеў.
Цяпер Федэральнае ўпраўленне грамадзянскай авіяцыі ЗША распарадзілася прыпыніць эксплуатацыю некаторых самалётаў гэтай мадэлі — у авіякампаніях ЗША і на тэрыторыі Штатаў.
Дапусціць да палётаў гэты Boeing могуць толькі пасля праверкі (федэральнае ўпраўленне выдала адпаведную дырэктыву). Мяркуецца, што гэта закране 171 самалёт у свеце. На праверку кожнага спатрэбіцца 4-8 гадзін.
Гэту дырэктыву прынялі і ў Еўрапейскім агенцтве бяспекі палётаў, паведамляе Reuters. Але трэба адзначыць, што еўрапейскія авіякампаніі не выкарыстоўваюць Boeing 737 MAX 9.
Турэцкая кампанія Turkish Airlines прыпыніла выкарыстанне пяці самалётаў гэтай мадэлі, каб праверыць іх.
Большасць Boeing 737 MAX 9 эксплуатуюць амерыканскія перавозчыкі United Airlines і Alaska Airlines — 79 і 65 адпаведна, прыводзіць лічбы Bloomberg.
Гэта не першы раз, калі прыпыняюць выкарыстанне дадзенай мадэлі самалёта. У 2018-м і 2019-м здарыліся дзве авіякатастрофы з удзелам гэтага Boeing (у Інданэзіі і Эфіопіі), у якіх агулам загінулі 346 чалавек.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары