Былы сябра Беларускай сацыял-дэмакратычнай партыі памёр 15 лістапада, аднак пра яго смерць ад анкалогіі, з якой ён змагаўся доўгі час, стала вядома толькі зараз. Яму было 73 гады.
Уладзімір Нісцюк — падпалкоўнік запасу, ваенны перакладчык нямецкай мовы, быў дэпутатам XIII склікання і падтрымаў імпічмент Аляксандру Лукашэнку, нагадвае БСДП у сваім тэлеграм-канале.
У БСДП Уладзімір Нісцюк быў намеснікам старшыні партыі. У 2008 г. пасля вызвалення з турмы Аляксандра Казуліна разам з Аляксеем Каралём, Вольгай і Аляксандрам Казуліным пакінуў партыю праз канфлікт з абраннем старшынёй БСДП Анатоля Ляўковіча.
Пасля гэтага адышоў ад палітыкі і займаўся развіццём альтэрнатыўнай энергетыкі. Працаваў дырэктарам ТАА «Белветраэнерга» і выканаўчым дырэктарам асацыяцыі «Узнаўляльная энергетыка».
Каментары