Дзяржсакратар ЗША: Пуцін не спыніцца ва Украіне, ён пойдзе на краіны НАТА
Дзяржсакратар ЗША Энтані Блінкен папярэдзіў, што прэзідэнт Расіі Уладзімір Пуцін мае агрэсіўныя задумы, якія распасціраюцца за межы Украіны, і не спыніцца ля межаў гэтай краіны, калі яму дазволяць перамагчы. Блінкен заявіў, што калі расійскага лідара не спыніць, то пасля Украіны ён «пойдзе на краіны НАТА».
«Калі мы дазволім Пуціну пазбавіцца адказнасці, калі страцім пільнасць і ўсё, што мы робім для Украіны, то гэта адкрые скрыню Пандоры, — цытуе Блінкена «Голас Амерыкі». — Ён не спыніцца ва Украіне, і іншыя патэнцыйныя агрэсары ў іншых рэгіёнах свету засвояць гэты ўрок».
Па словах Блінкена, такі сцэнар багаты сурʼёзнай небяспекай, паколькі можа ўцягнуць ЗША ў прамы канфлікт з Расіяй.
«Я думаю, што [Пуцін] накінецца на Украіну па поўнай праграме, а затым пойдзе на краіны НАТА, — сказаў кіраўнік амерыканскай дыпламатыі. — І вядома ж, калі ён нападзе на краіну НАТА, мы будзем абавязаныя дапамагчы ёй у адпаведнасці з артыкулам 5 дамовы аб НАТА».
Блінкен заявіў, што ЗША хочуць зрабіць усё, каб гэтага не адбылося. Ён падкрэсліў важнасць адабрэння Кангрэсам пакета коштам 106 мільярдаў долараў, запытанага прэзідэнтам Джо Байдэнам, які ўключае дапамогу Украіне.
«Гэта не вечная вайна, і для нас гэта таксама не вечныя выдаткі, — заявіў ён. — Нават цяпер, калі мы дапамагаем Украіне абараняць сябе, супрацоўнічаючы з дзясяткамі іншых краін, мы працуем над тым, каб Украіна магла цвёрда стаяць на нагах у ваенным, эканамічным і дэмакратычным плане».
Пры гэтым ён папярэдзіў: «Калі мы не атрымаем гэтыя грошы, гэта будзе рэальная праблема».
Дзяржсакратар заявіў, што дапамога Украіне — гэта агульная справа ЗША і іх бліжэйшых саюзнікаў, якая павінна працягвацца.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары