Францыя пачала тэставання сістэмы выдачы лічбавых віз. Гэтая краіна стала першай у Еўропе, якая афармляе шэнгенскія візы анлайн. Пра гэта паведамляе ў сваім тэлеграм-канале пасольства Францыі ў Беларусі.
Аб'яўлена, што прыярытэт у выдачы лічбавых віз аддадзены спартсменам, дэлегацыям і журналістам, якія едуць у Парыж на Алімпійскія і Паралімпійскія гульні. Усяго Францыя збіраецца выдаць да Алімпіяды каля 70 тыс. лічбавых віз.
Заяўкі на лічбавую візу ўжо можна падаваць праз спецыяльны партал. Гэта дазваляе пазбегнуць часавых выдаткаў на наведванне консульстваў і візавых цэнтраў.
Рада Еўрасаюза 13 лістапада ўхваліла новыя правілы афармлення шэнгенскіх візаў: падаваць дакументы можна будзе анлайн, а замест візы, налепленай у пашпарт, з'явяцца штрых коды.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары