Рада Еўрасаюза ўхваліла новыя правілы афармлення шэнгенскіх віз. Паводле іх, падаваць дакументы можна будзе анлайн, замест налепак у пашпарце з'явяцца штрых-коды, а неабходнасць асабістага візіту ў консульства ў многіх выпадках адпадзе, паведаміла прэс-служба Рады. Праўда, адбудзецца гэта не ўвадначас.
13 лістапада Рада ЕС прыняла дзве пастановы аб новых візавых правілах: будзе створана спецыяльная платформа для падачы заявак на шэнгенскую візу. Там можна будзе ўвесці ўсе неабходныя звесткі, загрузіць электронныя копіі пашпартоў і іншых дакументаў, а таксама аплаціць візавы збор.
У большасці выпадкаў не трэба будзе асабіста прыходзіць у консульства. Асабістая яўка спатрэбіцца толькі ў выпадку, калі шэнген афармляецца ўпершыню, біяметрычныя звесткі несапраўдныя або чалавек атрымаў новы пашпарт (праязны дакумент).
Візавую налепку заменіць штрых-кодам з крыптаграфічным подпісам.
У найбліжэйшы час абедзве пастановы будуць апублікаваныя ў афіцыйным часопісе Еўрасаюза і праз 20 дзён уступяць у сілу.
Дату, калі новыя правілы пачнуць дзейнічаць, вызначаць пасля завяршэння працы над візавай платформай і лічбавай візай. Раней планавалася, што новая працэдура запрацуе з 2026 года.
Змяняюцца правілы атрымання некаторых польскіх віз
Беларуску з польскім праязным дакументам замежніка не пусцілі ў Грузію
Некаторых беларусаў арыштоўваюць проста пры падачы на польскія візы — Wyborcza
Беларусы расказваюць, як польскія консульствы адмаўляюць ім у візах
Змяняецца прынцып падачы на польскія нацыянальныя візы
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары