«Магу толькі маліцца, каб дачка была жывая», — бацька Марыі Калеснікавай, пра якую ўжо год няма навінаў
15 лютага мінулага года датаваны апошні ліст асуджанай на 11 гадоў паплечніцы Віктара Бабарыкі.
Прайшоў год з таго часу, як сям'я зняволенай Марыі Калеснікавай атрымала ад яе ліст, і з таго часу ніхто яе не бачыў і нічога пра яе не чуў, паведамілі Associated Press у сераду яе сваякі і заходнія афіцыйныя асобы.
«Я магу толькі маліцца, каб мая дачка была жывая, таму што адміністрацыя турмы ў Гомелі не дазваляе спаткання і не адказвае на мае лісты і просьбы», — сказаў бацька Калеснікавай Аляксандр Калеснікаў для Associated Press.
На жаль, сітуацыя з Калеснікавай не ўнікальная. Больш за год няма інфармацыі пра асуджанага на 14 гадоў Міколу Статкевіча, з 25 красавіка канкрэтыкі пра Віктара Бабарыку, які кінуў на выбарах выклік Лукашэнку і пацярпеў за гэта. Дзясяткі палітвязняў трапілі ў інфармацыйны вакуум.
@nashaniva Бацька Марыі Калеснікавай цэлы год не мае навінаў пра дачку #политзаключенные #беларусь #новостибеларусь #беларусьновости #программистка #нашаніва #марияколесникова #навіныбеларусі ♬ The Cruel 5 - Mr Obed
Каментары
Ад іншых палітвязняў таксама няма звестак. Проста пра іх ніхто не піша.