У Гомелі пачынаецца суд над грамадзянкай Украіны, якую абвінавачваюць у шпіянажы
У Гомельскім абласным судзе 15 лютага на закрытым пасяджэнні пачнецца суд над грамадзянкай Украіны Наталляй Захаранка і Ларысай Крупа.
Захаранка абвінавачваюць у шпіянажы на карысць Украіны паводле арт. 358 КК, а яе знаёмую ў неданясенні аб злачынстве (ч. 2 арт. 406 КК). Справу прызначаны разглядаць суддзя Анатоль Сотнікаў, піша «Вясна».
Гэтая гісторыя атрымала агалоску яшчэ на пачатку ліпеня мінулага года, калі жыхарка Чарнігава Наталля Захаранка знікла па дарозе ў беларускі Мазыр, дзе жыве яе сястра. Да пачатку расійскай агрэсіі прадпрымальніца Наталля часта ездзіла ў Гомель гандляваць на мясцовым рынку.
Трывогу забіла дачка жанчыны: нумары і кантакты маці пасля перасячэння польска-беларускай мяжы сталі недасяжныя, а афіцыйныя органы маўчалі.
Як паведамлялі ўкраінскія медыя, Наталля з'яўлялася валанцёркай, пасля пачатку вайны перавозіла ў ЕС і Беларусь украінскіх уцекачоў, перадавала дакументы і лекі. Вядома таксама, што Захаранка ездзіла ў Беларусь на ўласным аўтамабілі.
Назад украінка збіралася ехаць 21 ліпеня — і знікла.
Сёння Наталля Захаранка, якой пагражае да 15 гадоў пазбаўлення волі, адзначае свой дзень нараджэння.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч18
Каментары
Они хотя бы передали информацию украинской стороне, что их соотечественницу схватили лукашисты?
(То,что беларусов рашисты-лукашисты хватают постоянно, уже никто не реагирует.)