Дыстанцыю ў 60 метраў яна пераадолела за 7,25 секунд.
Крысціна Ціманоўская са срэбным медалём. Фота: інстаграм Ціманоўскай
«Другі зімовы чэмпіянат Польшчы і другі сярэбраны медаль. Дзякуй усім за падтрымку», — напісала Ціманоўская ў Instagram.
«Золата» атрымала полька Эва Свабода з вынікам у 7,05 секунд.
68-ы чэмпіянат Польшчы па лёгкай атлетыцы сярод дарослых у закрытых памяшканнях праходзіць 17 і 18 лютага 2024 года ў «Арэне Торунь». На старт спаборніцтваў у выхадныя выйшла больш за 500 спартсменаў.
Крысціна Ціманоўская са срэбным медалём і сваім хлопцам. Фота: інстаграм Ціманоўскай
Крысціна Ціманоўская з'ехала ў Польшчу пасля скандалу на Алімпіядзе ў Токіа, калі яе гвалтоўна спрабавалі вярнуць у Беларусь пасля крытычнага допіса. Яна атрымала польскае грамадзянства і допуск да міжнародных спаборніцтваў.
Каментары