Экс-зорцы «Барселоны» далі чатыры з паловай гады рэальнай турмы за згвалтаванне
Дані Алвесу некалькі разоў адмаўлялі ў часовым вызваленні пад заклад.
Былога абаронцу каталонскай «Барселоны» Дані Алвеса прысудзілі да 4,5 года турмы паводле справы аб згвалтаванні, паведамляе BBC у сацыяльнай сетцы X (раней Twitter).
У студзені Дані Алвесу выставілі абвінавачанні ў згвалтаванні 23-гадовай дзяўчыны ў начным клубе «Сатон» у Барселоне. 20 студзеня экс-футбаліст быў узяты пад варту. Пазней Алвесу некалькі разоў адмаўлялі ў часовым вызваленні пад заклад.
Бразільскі абаронца добра вядомы сваімі выступамі за «Барселону». У складзе «сіне-гранатавых» Алвес шэсць разоў станавіўся чэмпіёнам Іспаніі, перамагаў у Лізе чэмпіёнаў, выйграваў Кубак і Суперкубак краіны. Са зборнай Бразіліі абаронца па два разы выйграваў Кубак Амерыкі і Кубак Канфедэрацыі — усяго ў яго было 43 тытулы.
У жніўні яго абагнаў па тытулах Ліянель Месі, выйграўшы са сваім новым клубам — «Інтэр Маямі» — Кубак амерыканскай лігі.
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік8
Каментары