Мужчына ў Мінску дапамагаў незнаёмцу завесці машыну — аказалася, паўдзельнічаў ва ўгоне
У міліцыю звярнуўся мінчанін, які паведаміў, што ў двары жылога дома невядомыя спрабуюць завесці машыну, адзін з іх пʼяны.
Міліцыянеры ўстанавілі, што 34-гадовы мінчанін ноччу ў стане алкагольнага апʼянення вяртаўся дадому, пры гэтым тузаючы ручкі прыпаркаваных аўтамабіляў. Адно аўто было адчынена, тады ён паспрабаваў яго завесці, аднак не атрымалася.
Ён папрасіў маладога чалавека, які праходзіў міма, штурхануць аўто рукамі. Іншамарка пару разоў завялася, але так і не паехала.
Распачата крымінальная справа за ўгон.
Каментары