Пенсіянерку Ірыну Панасік аштрафавалі за атрыманне замежнай дапамогі. Яна атрымала прадуктовы набор ад INeedHelpBY, які купілі праз інтэрнэт-краму «Еўраопт». Верагодна, гэта маці палітвязня Валянціна Панасіка, асуджанага на шэсць гадоў калоніі, піша Hrodna Life.
Суд палічыў, што Ірына звязалася з арганізацыяй INeedHelpBY, якая пазней была прызнаная экстрэмісцкім фарміраваннем. Жанчына падала дакументы з прысудам сына і атрымала тавары на 282,84 рублёў. Так яна нібыта прычыніла шкоду дзяржаўным і грамадскім інтарэсам і парушыла абз.2 п. 2 Дэкрэта Лукашэнкі ад 25.05.2020 № 3 «Аб замежнай бязвыплатнай дапамозе» (у рэдакцыі ад 08.11.2021 № 7).
Ірына віну не прызнала. Суд Ленінскага раёна 15 сакавіка пастанавіў аштрафаваць яе на 30 базавых велічынь (1200 рублёў) і спагнаць на карысць дзяржавы кошт дапамогі — 282,84 рублёў. Таксама ў яе канфіскуюць тэлефон.
Валянцін Панасік 5 студзеня 2022 года быў асуджаны да шасці гадоў пазбаўлення волі за публікацыі ў сацыяльных сетках, якія змяшчаюць заклікі да вулічных пратэстаў, актыўнага супраціву ў выпадку іх падаўлення. Ён трапіў у спіс асобаў, «датычных да тэрарыстычнай дзейнасці» — яму забароненыя грашовыя пераводы. Утрымліваўся ў гродзенскай турме № 1, цяпер — у бабруйскай ПК № 2.
Усяго ў Беларусі цяпер вядома пра 127 судоў па справах, звязаных з INeedHelpBY. Сярод іншага, іх абвінавачваюць у тым, што яны «неправамерна легітымізавалі злачынцаў», надаючы ім «псеўда-статус палітвязняў».
Шматдзетную маці з Пастаў аштрафавалі за атрыманне дапамогі ад INeedHelpBy
Праз дапамогу сыну-палітвязню прайшла праз суд і мусіла ўцячы ў Літву. Гісторыя Аксаны Хіневіч
Мінімум 100 судоў. Працягваецца пераслед за атрыманне дапамогі праз INeedHelpBY
Затрыманых некалькі соцень, некаторым пасля допытаў не вяртаюць пашпарты. Падрабязнасці аблавы на салідарных з палітвязнямі
Зняволены расказаў, як сядзеў у калоніі ў Глыбокім у суседняй камеры са Статкевічам3
Каментары