У Літве зарэгістраваныя 63 тысячы беларусаў з ДНЖ. Але з'явілася новая тэндэнцыя
Колькасць украінцаў у Літве памяншаецца. Колькасць беларусаў расце, але тэмпы запаволіліся.
Украінцы па-ранейшаму складаюць першую па колькасці групу замежнікаў у Літве. Але калі ў пачатку года ў краіне іх было больш за 86 тысяч, то ў канцы сакавіка стала крыху больш за 74 тысячы, піша BNS.
«На другім месцы беларусы, яны ўсё яшчэ растуць, але ў апошнія месяцы іх рост запаволіўся. Гэта звязана з больш строгімі праверкамі, якія мы праводзім, а таксама з тым, што працадаўцы арыентуюцца на іншыя краіны», — кажа дырэктар Дэпартамента міграцыі Эвеліна Гудзінскайце.
У канцы сакавіка ў Літве было зарэгістравана амаль 63 тысячы беларусаў з ДНЖ. У параўнанні з 1 студзеня мінулага года колькасць нашых суайчыннікаў вырасла амаль на 29 працэнтаў.
Колькасць расійскіх грамадзян у Літве застаецца стабільнай — крыху больш за 15 тысяч.
Па словах дырэктара Дэпартамента міграцыі, позіркі літоўскіх кампаній у пошуках патэнцыйных супрацоўнікаў змясціліся з Беларусі і Украіны на Сярэднюю Азію і Індыю.
«Узбекістан, Кыргызстан, Таджыкістан і Казахстан — новыя краіны, з якіх працадаўцы вязуць працоўную сілу. (…) Большасць з Узбекістана», — сказала Э.Гудзінскайце.
Так, колькасць узбекаў вырасла за апошні час з 1800 да 9700. Грамадзяне Кыргызстана на пачатак года налічваюць амаль 2 тысячы, колькасць грамадзян Таджыкістана вырасла да 6,3 тысячы, Індыі да 5,2 тыс. Але значную частку індусаў складаюць студэнты.
Большая частка прыезджых з Цэнтральнай Азіі — гэта нізкакваліфікаваныя рабочыя, якія прыязджаюць працаваць кіроўцамі і будаўнікамі.
Тады як у Літве пражывае больш за 6000 высокакваліфікаваных замежнікаў, у асноўным грамадзяне Беларусі і Расіі, якія працуюць у ІТ-кампаніях.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары