Байдэн, гаворачы пра гібель дзядзькі ў Папуа-Новай Гвінеі, згадаў пра канібалаў. У краіне пакрыўдзіліся
Прэм'ер Папуа — Новай Гвінеі раскрытыкаваў словы Байдэна пра канібалаў
Прэзідэнт ЗША на мінулым тыдні агледзеў ваенны мемарыял Скрэнтана, на якім выбітыя імёны амерыканскіх жаўнераў, зніклых у гады Другой сусветнай вайны. На мемарыяле пазначана імя дзядзькі прэзідэнта — Эмброўза Фінегана. Са слоў Байдэна, той здзяйсняў разведвальныя палёты над Новай Гвінеяй.
«Яго збілі ў раёне Новай Гвінеі, дзе ў той час было шмат канібалаў», — дадаў ён. Прэзідэнт ЗША адзначыў, што цела яго дзядзькі так і не знайшлі, піша РБК.
Яму адказаў прэм'ер Папуа — Новай Гвінеі Джэймс Марапе.
Словы прэзідэнта ЗША Джо Байдэна пра тое, што цела яго дзядзькі маглі з'есці канібалы ў Новай Гвінеі ў часы Другой сусветнай, кажуць пра яго грэблівае стаўленне да дзяржавы, заявіў Associated Press прэм'ер-міністр краіны Джэймс Марапе.
«Словы прэзідэнта Байдэна, магчыма, былі агаворкай, але мая краіна не заслугоўвае навешвання такога цэтліка», — сказаў палітык.
Ён адзначыў, што Папуа-Новая Гвінея не пачынала Другую сусветную вайну, яе «дарэмна ўцягнулі» ў супрацьстаянне, і яна ўсё яшчэ» ўсеяная парэшткамі «гэтага канфлікту. Марапе заклікаў ЗША знайсці сваіх грамадзян, якія загінулі ў джунглях Папуа-Новай Гвінеі, і прыбраць наступствы вайны.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары