У Тбілісі некалькі дзясяткаў чалавек разграмілі офіс найбуйнейшай апазіцыйнай партыі Грузіі «Адзіны нацыянальны рух». Атака адбылася ў ноч на 1 чэрвеня.
У партыі сцвярджаюць, што ўсяго ў нападзе ўдзельнічалі каля 100 чалавек. У выніку пагрому было пашкоджана абсталяванне партыі, а таксама выбітыя вокны.
Старшыня АНР Леван Хабеішвілі заявіў, што людзі, якія нападалі на офіс, былі ўзброеныя камянямі, палкамі і драўлянымі дзідамі. Відавочцы сцвярджаюць, што таксама вандалы выкарыстоўвалі біты і жалезныя пруты.
Хабеішвілі сцвярджае, што паліцыя прыбыла на месца толькі праз гадзіну з моманту атакі, хоць найбліжэйшы ўчастак знаходзіцца за 1-2 кіламетры ад офісу. Ніхто з нападнікаў затрыманы не быў.
У АНР лічаць, што да нападу датычныя прыхільнікі заснавальніка кіроўнай партыі «Грузінская мара» Бідзіны Іванішвілі.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»14
Каментары