«Выклікае асацыяцыі з нацысцкімі лагерамі смерці». Украінцы паказалі чалавека пасля двух гадоў расійскага палону
У тэлеграм-канале ўкраінскага дзяржаўнага каардынацыйнага праекта «Хачу жыць», які займаецца праблемамі вяртання і рэабілітацыі ваеннапалонных, апублікавалі страшныя фота Рамана Гарылыка, які разам з яшчэ 74 палоннымі вярнуўся з расійскага палону 31 мая. Ён правёў у палоне больш за 2 гады.
Раман Гарылык не браў удзелу ў баявых дзеяннях, ён быў старшым кантралёрам КПП па ахове Чарнобыльскай атамнай электрастанцыі. Яго разам з іншымі 168 нацгвардзейцамі, якія ахоўвалі ЧАЭС, расіяне вывезлі з Украіны праз Беларусь у сакавіку 2022 года. Большасць гэтых людзей дагэтуль утрымліваюцца ў палоне.
«Стан Рамана і іншых украінскіх ваеннапалонных выклікае жах і асацыяцыі з самымі цёмнымі старонкамі гісторыі чалавецтва — нацысцкімі канцэнтрацыйнымі лагерамі смерці», — пішуць у канале.
За ўвесь час знаходжання ў расійскім палоне Рамана і іншых 74 ваеннапалонных украінцаў, вернутых гэтым разам па абмене, ні разу не наведвалі назіральнікі Міжнароднага камітэта Чырвонага Крыжа. Іх туды проста не пускаюць, як сцвярджаецца, «спецыяльна, каб Міжнародны Чырвоны Крыж не мог зафіксаваць тое, як расійскі бок абыходзіцца з ваеннапалоннымі».
Хто забараняе ў Беларусі кнігі — вось гэтыя 22 чалавекі33
Каментары