Рэгістраваць аўтамабілі будуць па-новаму. З'явяцца машыны з вечнай рэгістрацыяй
З 17 чэрвеня 2024 года ў Беларусі транспартныя сродкі пачалі рэгістраваць у ДАІ па новых правілах. Паглядзелі на асноўныя змены.
Спісаць аўтамабілі ва ўтыль стане прасцей
Пасля таго, як аплату транспартнага падатку адвязалі ад праходжання тэхагляду, у СМІ часта можна было ўбачыць гісторыі ад беларусаў, якім даводзілася гадамі плаціць падатак за машыны, якія яны некалі «прадалі» па даверанасці.
Юрыдычным уласнікам такіх транспартных сродкаў трэба было плаціць падатак нават у тым выпадку, калі машына не эксплуатавалася і, магчыма, больш фізічна і не існавала.
Каб спісаць такі аўтамабіль ва ўтыль, раней патрабавалася, каб у рэгістрацыйным падраздзяленні адсутнічала інфармацыя пра эксплуатацыю машыны за тры папярэднія гады. Цяпер дастаткова, каб такой інфармацыі не было цягам аднаго папярэдняга года.
Аўтамабілі з вечнай рэгістрацыяй
Таксама ў Беларусі з'явяцца аўтамабілі, якія нельга будзе перапрадаць.
У выпадках, калі першапачатковы ідэнтыфікацыйны нумар транспартнага сродку не ўстаноўлены і яго змена не звязана з наўмысным знішчэннем, рэгістрацыя робіцца з абмежаваннямі, якія забараняюць здымаць аўто з уліку (за выключэннем выпадкаў утылізацыі). У графу «Асаблівыя адзнакі» ў пасведчанні аб рэгістрацыі ўносіцца запіс «VIN знішчаны — заняцце з уліку забаронена».
Раней транспартныя сродкі, у якіх нумар кузава быў знішчаны (часцей за ўсё праз карозію), можна было прадаваць без абмежаванняў, хоць і пасля праходжання экспертызы. Цяпер усе такія аўтамабілі будуць заставацца ў гаспадароў, пакуль тыя не спішуць машыны ва ўтыль.
Новыя патрабаванні для свежапрыгнаных аўто
Таксама змяніліся правілы рэгістрацыі транспарту, які раней не быў зарэгістраваныя ў Беларусі і іншых краінах ЕАЭС.
Цяпер для рэгістрацыі свежапрыгнаных з трэціх краін аўто трэба будзе паказаць выпіску з электроннага пашпарта машыны са статусам «дзейны»
Цалкам азнаёміцца са ўсімі зменамі можна па спасылцы.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1212
Каментары