Беларуская скакуха ў вышыню Марыя Жодзік будзе прадстаўляць Польшчу на Алімпійскіх гульнях у Парыжы. Такое рашэнне прыняла Міжнародная асацыяцыя лёгкаатлетычных федэрацый World Athletics, піша Most.
У 2024 годзе Жодзік устанавіла асабісты рэкорд, узяўшы планку на 1,97 метра, і тым самым выканала алімпійскі нарматыў. 20 сакавіка Польскі саюз лёгкай атлетыкі абвясціў, што прэзідэнт Анджэй Дуда надаў спартсменцы польскае грамадзянства.
У 2021 годзе Жодзік заваявала права выступаць на Алімпіядзе ў Токіа ад Беларусі, аднак функцыянеры Беларускай федэрацыі лёгкай атлетыкі не забяспечылі працэдуру праходжання ёй допінг-тэстаў у тэрміны, устаноўленыя міжнароднай федэрацыяй. Таму на Алімпіяду яна не паехала.
У 2020 годзе Марыя Жодзік падпісвала адкрыты ліст спартоўцаў, у якім асуджаліся факты фальсіфікацыі выбараў у Беларусі, а таксама гвалт з боку сілавікоў. Таксама спартоўка асудзіла вайну Расіі супраць Украіны.
З 2022 года Марыя жыве і трэніруецца ў польскім Беластоку.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары