Параненага расійскага тэлепрапагандыста Паддубнага адправяць у Маскву
Паведамлялася, што Паддубны атрымаў апёкі і траўму галавы.
У Курскай бальніцы, куды даставілі журналіста пасля ранення, яму правялі ўсе неабходныя даследаванні і прызначылі курс лячэння. Цяпер яго адправяць на лячэнне ў Маскву, піша РБК.
Адразу пасля нападу журналіста даставілі ў курскую бальніцу. Там дактары правялі ўсе неабходныя даследаванні і прызначылі курс лячэння.
Паддубны пацярпеў у выніку атакі дрона 7 жніўня. Як паведамілі ў Міністэрстве аховы здароўя Расіі, у бальніцу, яго даставілі ў цяжкім стане. Спачатку журналіста накіравалі ў процішокавае аддзяленне, дзе яму правялі інтэнсіўную тэрапію. Затым дактары выканалі неабходныя абследаванні. Пасля гэтага Паддубнага перавялі ў рэанімацыю, дзе ён прыйшоў у прытомнасць.
Экс-дэпутат Вярхоўнай Рады Украіны Алег Цароў пісаў са спасылкай на прыёмную губернатара Курскай вобласці, што Паддубны атрымаў апёкі і траўму галавы. Пра гэта ж паведамляў тэлеграм-канал Mash.
Здымачная група, якая суправаджала Паддубнага, не пацярпела.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары