Расійская «Сота» зноў «выкрыла» Ціханоўскую і Латушку. І зноў села ў лужыну
Расійскае ліберальнае выданне SotaProject працягвае сваю вайну са Святланай Ціханоўскай. Атрымалася зноў камічна.
SotaProject прычапілася да допісу ў тэлеграм-канале Аб’яднанага пераходнага кабінета (АПК).
9 жніўня, у гадавіну выбараў-2020, у 11:45 у ім з’явіўся тэкставы зварот Паўла Латушкі: «Я буду змагацца за вызваленне палітычных зняволеных з турмаў Лукашэнкі, не спыню барацьбу за вызваленне Беларусі ад ягонай дыктатуры. Жыве наша мара, жыве наша мэта і справа! Жыве Беларусь!»
Да звароту было прымацавана відэа прамовы Паўла Латушкі, зробленай 14 жніўня 2020 года каля Купалаўскага тэатра, Людзі за яго спінай трымаюць плакаты «Купалаўцы супраць гвалту», «Сыходзь». Відэа зробленае карэспандэнтам Tut.by.
Але Sota прыйшла да парадаксальных высноваў: спасылаючыся на блогера-канспіролага Віталя «Віруса» Кандраценку, запэўніла чытачоў, што апублікаваныя кадры з выступам Латушкі адносяцца да 2021 года і патлумачыла: «Прычынай падмены стала тое, што новы мітынг у Варшаве, перад палацам Сташыца, дзе выступаў Латушка, суправаджаўся плакатамі супраць абвяшчэння Ціханоўскай сябе нязменнай «нацыянальнай лідаркай».
Няўжо сапраўды так? Давайце разбярэмся.
Увечары 9 жніўня 2024 года ў Варшаве сапраўды адбылася акцыя салідарнасці, на якой выступаў Латушка. Але логіка падказвае, што тэлеграм-канал АПК ніяк не мог апублікаваць раніцай таго дня відэа з мерапрыемства, якое яшчэ не адбылося.
Што ж адбывалася на акцыі ў Варшаве? Там прысутнічалі некалькі сотняў чалавек. Некалькі чалавек трымалі плакаты «Ціханоўская і Лукашэнка, сыходзьце», «Што зрабіла за 4 гады?», «Сама сыйдзешь?».
З трэцім плакатам адбылася смешная сітуацыя: журналісты сайта Reform апісалі, як жанчыне з плакатам «Сама сыйдзешь?» падказалі, што ў яе надпісе ёсць памылка. Па-беларуску дзеясловы пішуцца без мяккага знака на канцы. Яна закрэсліла «ь», але ўсё адно пакінула лішняе «й» у слове. Правільна пісаць — «сыдзеш».
Што за жанчыны гэта былі, невядома. Беларускія СМІ, дбаючы пра бяспеку ўдзельнікаў акцыі, не паказваюць твары людзей. Тым не менш, свабоду выказвання ніхто не адмяняў, таму іх плакаты трапілі ў фотарэпартажы.
Відэа з выступу Латушкі ў цэнтры Варшавы таксама ёсць у свабодным доступе. Яно знятае зблізку, таму плакатаў не відаць — ні супраць Ціханоўскай, ні супраць астатніх.
SotaProject працягвае сваё асэнсаванае змаганне са Святланай Ціханоўскай ужо некалькі месяцаў. Гарачая стадыя пачалася пасля таго, як спецыяльным карэспандэнтам выдання стала блогерка Бэла Фокс, зацяты крытык Ціханоўскай. Выданне салідарызавалася з пазіцыяй сваёй аўтаркі.
Расійскі СМІ абвінавачвае «Нашу Ніву» ў фальсіфікацыі апытання. Вось чаму гэта хлусня і звычайныя палітычныя разборкі
У Дзень Годнасці 9 жніўня ў розных гарадах свету прайшлі беларускія акцыі ФОТЫ
Фантазія Бульбы: Ціханоўская не рупіцца за вызваленне Бяляцкага, бо з яго будуць вырошчваць новага лідара апазіцыі
«Фондавы рынак рэагуе на прызначэнне Ціханоўскай бестэрміновай нацыянальнай лідаркай». Найлепшыя твіты тыдня
«Чатыры гады таму адбыліся падзеі, якія памянялі нашу краіну». Ціханоўская звярнулася ў гадавіну выбараў-2020
Тры партыі, якія на выбарах у КР сумарна набралі 165 галасоў, аспрэчылі статус Ціханоўскай
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску
Каментары