Абвешчаны грашовы збор для акцёра Дзмітрыя Есяневіча, які быў вымушаны выехаць з краіны з жонкай і трыма дзецьмі

Абвешчаны грашовы збор для акцёра Дзмітрыя Есяневіча, які быў вымушаны выехаць з краіны з жонкай і трыма дзецьмі.

«Калі пазнавалі ў Мінску ў крамах, казалі: як, вы тут?!» Купалавец Дзмітрый Есяневіч расказаў пра сваё затрыманне

Сваю гісторыю Дзмітрый коратка таксама апісаў на сайце «Байсола».

«Мяне завуць Дзмітрый Есяневіч. З 2003 па 2020 год я працаваў акцёрам у Купалаўскім тэатры. У 2020 годзе звольніўся ў знак пратэсту супраць вынікаў выбараў і гвалту над беларускім народам. З 2018 па 2021 год я таксама быў вядоўцам праграмы «Хай Так» на канале «Белсат», які пасля быў прызнаны экстрэмісцкім. Яшчэ я адзін з суаўтараў і ўдзельнікаў YouTube-канала «Чынчынчэнел». У мяне шматдзетная сям'я: дачка 14 гадоў, дачка 3,5 года і сын 3,5 года.

Пасля майго звальнення ў 2020 годзе, нягледзячы на законы, якія абараняюць шматдзетныя сем'і ў Беларусі, нас з жонкай, двух толькі што народжаных немаўлятаў і старэйшую дачку выселілі са службовай кватэры. Мяне ўнеслі ў «чорны спіс» забароненых акцёраў, што фактычна пазбавіла мяне магчымасці працаваць у Беларусі. Афіцыйную працу я знайсці так і не змог.

30 мая 2024 года мяне знялі з аўтобуса пры перасячэнні мяжы на шляху ў Вільню. Мяне арыштавалі па крымінальнай справе «Белсат» і дапытвалі з нагоды майго ўдзелу ў YouTube канале «Чынчынчэнел», персанажы якога таксама выкарыстоўваліся на «Белсат». Пагражалі крымінальнымі артыкуламі.Быў суд па адміністрацыйнай справе, далі 14 сутак на Акрэсціна.

Пасля адбыцця тэрміну мяне адвезлі ў ГУБАЗіК на допыт, дзе пагражалі, што супраць мяне завядуць крымінальную справу, а за маёй жонкай будуць сачыць, і яна, калі будзе з кім-небудзь кантактаваць, прасіць дапамогу, таксама паедзе ў ізалятар на Акрэсціна.

Усвядоміўшы ўсе рызыкі, я прыняў рашэнне з'ехаць з Беларусі. 11 жніўня 2024 года, дзякуючы дапамозе «Байсол», мы ўсёй сям'ёй пакінулі краіну, скарыстаўшыся рознымі маршрутамі. Цяпер мы знаходзімся ў Польшчы, дзе спрабуем пачаць новае жыццё. Мы ў працэсе рэлакацыі, пошуку жылля і легалізацыі.

Мы звяртаемся да вас па дапамогу. Нам неабходна зняць жыллё на некалькі месяцаў і забяспечыць нашу сям'ю самым неабходным, пакуль мы прыходзім у сябе і пачынаем усё з нуля ў новай краіне.

Мы будзем удзячныя за любую падтрымку!» — піша Дзмітрый Есяневіч.

Сума збору €5000

• €2500 — жыллё на 3 месяцы для нашай вялікай сям'і + заклад
• €800 — для аплаты прыватнага дзіцячага садка, пакуль чакаем сваю чаргу ў муніцыпальным.
• €1700 — «падтрымліваючыя грошы» на бліжэйшыя 2-4 месяцы, пакуль мы будзем шукаць крыніцу даходу.

Дапамагчы праз Байсол (не данацьце з Беларусі або беларускіх картак)

• 5
• 3
• 3
• 0
• 0
• 3
• 0
• 2