Халезін згадаў, як Лукашэнка напярэдадні рэферэндуму 1996 года спрабаваў купіць журналістаў
«Там быў накрыты стол, як быццам гэта абрус-самабор, і лазня працавала, і алкаголю — заліся. Нас пачалі купляць».
У эфіры «Радыё Свабода» арт-дырэктар Беларускага Свабоднага тэатра, а ў мінулым адзін са стваральнікаў газеты «Імя» Мікалай Халезін згадаў, як Лукашэнка спрабаваў купіць журналістаў.
Па яго словах, у адзін з дзён напярэдадні рэферэндуму 1996 года дзесяць журналістаў запрасілі на дачу Саўміна, што знаходзілася ў Сцяпянцы. За арганізацыю прыёму адказваў дэпутат Уладзімір Канаплёў, які адначасова займаў пасаду галоўнага памочніка Лукашэнкі.
Акрамя яго Халезін згадвае прозвішчы тагачаснага намесніка старшыні Вярхоўнага Савета Юрыя Малумава, кіраўніка сакратарыята прэзідэнта Урала Латыпава і галоўнага рэдактара «Савецкай Беларусі» Паўла Якубовіча. Усяго з боку прадстаўнікоў улады таксама было каля дзесяці чалавек.
«Там быў накрыты стол, як быццам гэта абрус-самабор, і лазня працавала, і алкаголю — заліся. Нас пачалі купляць».
Халезін згадвае, як Латыпаў у час гэтай сустрэчы яму паведаміў, што плануецца правядзенне рэферэндуму. «Ніхто яшчэ гэтага не ведаў. Я ў яго спытаўся. Ён прамаўчаў, бо ведаў, што ўсюды стаяць «жучкі». Потам крануў мяне і кіўнуў галавою».
Па словах Халезіна, некаторыя з прысутных пагадзіліся на прапанову прадстаўнікоў атачэння Лукашэнкі. А асобныя наладзілі і больш блізкія адносіны:
«Адна з журналістак адразу завяла раман з адным з дэпутатаў, які там быў. Яна была з РІА «Новості». І матэрыялы адразу сталі іншыя. Заказуха такая пайшла».
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары