Марока праз санкцыі можа перастаць пастаўляць мандарыны ў Расію. У Беларусь таксама?
Марока можа спыніць навагоднія пастаўкі мандарынаў у Расію праз санкцыі. Адзін з асноўных сусветных вытворцаў цытрусавых ужо нібыта скарачае пастаўкі. Расейцы могуць застацца без свайго самага ўлюбёнага сорту, «клемянціну». А ці пагражае нешта беларускім спажыўцам, даведалася Tochka.by.
«Што тычыцца мандарынаў сорту «клемянцін» з Марока, то гэта штогадовая гульня, калі папярэджваюць, што паставак будзе мала, купляйце лепш цяпер па гэтай цане. І з гэтага пачынаецца такая гісторыя. Але, магчыма, сапраўды [паставак у гэтым годзе] будзе мала, таму што з тавараў, якія пастаўляюцца з Марока, усё даражэе ў апошнія некалькі сезонаў», — расказала Tochka.by крыніца ў гандлёвай галіне.
Прадстаўнікі беларускіх гандлёвых сетак пакуль не драматызуюць сітуацыю і ўжо знаходзяцца на сувязі з пастаўшчыкамі з Марока.
«Штука яшчэ такая, што гэта можа быць проста частка гульні на павышэнне цаны», — гаворыць крыніца ў рытэйле.
Аднак падстаў для панікі, маўляў, няма, бо ў Беларусі ёсць іншыя варыянты, каб на навагодніх сталах людзей былі мандарыны.
«У Беларусі на Новы год ёсць некалькі крыніц, акрамя як з Марока, атрымання мандарынаў сорту «клемянцін». Таму нас гэта, хутчэй за ўсё, не закране, калі будзе нейкае зніжэнне паставак», — сцвярджае крыніца Tochka.by.
Нягледзячы на сезон, на прылаўках беларускіх крам мандарыны ёсць, аднак іх кошт уражвае. Папулярны рэсурс па дастаўцы тавараў прапануе за Br15 кіло цытрусавых з Паўднёвай Афрыкі.
Б'юць рэкорды цэны на апельсінавы сок, яго будуць мяшаць з мандарынавым
Сацсеткі ахапіў «тэст апельсінавай лупіны», які правярае адносіны з партнёрам на трываласць
Патрыце лупінай мандарына ногі. Эфект вас здзівіць
Аказваецца, мандарыны можна вырасціць у хатніх умовах
Колькі можна з'есці мандарынак, каб не стала блага
Цяпер чытаюць
Айцішнік і былы палітвязень Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ10
Каментары