У Мытным камітэце Беларусі заявілі, што літоўскі бок спыніў афармленне фур.
Ілюстрацыйнае фота БелТА
Літва спыніла пропуск грузавікоў праз мяжу з Беларуссю.
У літоўскіх пунктах пропуску «Меднікі» і «Шальчынінкай» спынена афармленне фур. Як паведамляе Мытны камітэт Беларусі, з 9:00 літоўцы не афармляюць фуры на ўезд, а з 12:00 — на выезд.
У ДМК адзначаюць, што літоўскі бок не паведаміў аб прычынах спынення афармлення грузавікоў.
Цяпер праз «Каменны Лог» і «Беняконі» з Беларусі спрабуюць выехаць каля 1000 транспартных сродкаў.
Каментары