Гандлёвую сетку Pole Kvetak стаў развіваць Аршанскі льнокамбінат. У ёй ёсць ужо дзве крамы: у Светлагорску і Ваўкавыску, і гэта толькі пачатак.
Як высветліла выданне Office Life, да канца снежня гандлёвая сетка плануе адкрыць яшчэ пяць сваіх крам — у Лідзе, Слуцку, Кобрыне і Салігорску. А ўжо ў суботу, 30 лістапада, адкрыецца крама ў Калінкавічах.
Да канца 2025 года пад брэндам Pole Kvetak запрацуюць яшчэ 15 крам у Беларусі. Рынак суседніх краін тут пакуль не разглядаюць.
У Аршанскага льнокамбіната ўжо ёсць больш за 40 крам у Беларусі і 6 у Расіі пад іншымі брэндамі. Ад іншых крам Аршанскага льнокамбіната Pole Kvetak адрозніваюцца фірмовым стылем, дызайнам і падыходамі да афармлення залаў.
У крамах будуць тавары вытворчасці Аршанскага льнокамбіната і Баранавіцкага вытворчага баваўнянага аб'яднання пад брэндам «Блакіт».
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары