У Грузіі ўспыхнулі пратэсты пасля заявы ўрада пра адмову ад еўраінтэграцыі
Неўзабаве пасля таго, як прэм'ер-міністр Грузіі Іраклій Кабахідзэ заявіў, што краіна адкладае перамовы аб уступленні ў ЕС да 2028 года, адразу ў некалькіх буйных грузінскіх гарадах успыхнулі стыхійныя акцыі пратэсту. Акцыі праходзяць у Тбілісі, Кутаісі і Батумі.
У Тбілісі жыхары Грузіі, абураныя словамі Кабахідзэ, сабраліся адразу ў некалькіх месцах, у тым ліку ля цэнтральнага офіса кіруючай партыі «Грузінская мара» і парламента краіны. У дэманстрацыях бяруць удзел, па розных ацэнках, ад 10 да 20 тысяч чалавек.
На адной з вуліц грузінскай сталіцы адбылася сутычка з паліцыяй, удзельнікі пратэсту кідалі ў сілавікоў яйкі і дымавыя шашкі. Паліцыя ўжыла слёзатачывы газ.
Да будынка парламента прыбыў спецназ з вадамётамі.
Прэзідэнтка Грузіі Саламе Зурабішвілі далучылася да пратэсту ля парламента. Яна ўстала паміж пратэстоўцамі і спецназам і пачала размаўляць з сілавікамі.
«Вы служыце Расіі ці Грузіі? Каму ты даваў клятву? Мяне цікавіць адказ. Вы не адказваеце прэзідэнту? Ты не думаеш пра будучыню? Ні краіны, ні дзяцей?», — цытуе Зурабішвілі Paper Kartuli.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»28
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Есьць жа прыклад Януковіча, як адмова ад Эўраінтэграцыі прыводзіць да страты ўлады. Супраца з маскавітамі адразу -50 адзінак IQ.