Суд Светлагорскага раёна вынес прысуд па справе намесніка начальніка цэха рэгенерацыі ААТ «Светлагорскі цэлюлозна-кардонны камбінат», які абвінавачваўся ў парушэнні правіл аховы працы, што пацягнула па неасцярожнасці смерць трох чалавек у чэрвені 2023 года. Пра гэта паведамілі ў Генпракуратуры Беларусі.
«Устаноўлена, што абвінавачаны 7 чэрвеня 2023 года даручыў сваім падначаленым правесці хімічнае прамыванне перакісам вадароду пасудзіны, які працуе пад высокім ціскам. Ён дакладна ведаў, што ў тэхнічнай дакументацыі выкарыстанне гэтага небяспечнага рэагента не было прадугледжана. Нягледзячы на гэта, абвінавачаны даручыў рабочым выканаць такую працэдуру», — адзначаецца ў паведамленні Генпракуратуры.
З-за гэтых дзеянняў адбылася самаадвольная ланцуговая экзатэрмічная рэакцыя, якая справакавала выбух магутнасцю каля 680 кг у трацілавым эквіваленце. Тады трое рабочых 24, 31 і 42 гадоў загінулі на месцы.
У выніку суд прысудзіў фігуранта крымінальнай справы да пяці гадоў калоніі ва ўмовах пасялення. На працягу такога ж тэрміну яму забаронена займаць пасады, звязаныя з выкананнем арганізацыйна-распарадчых абавязкаў. Сваю віну на судзе ён прызнаў часткова.
Акрамя таго, было прынята рашэнне спагнаць з абвінавачанага прычыненую шкоду ў памеры 7 мільёнаў рублёў у інтарэсах Светлагорскага ЦКК, МНС і Светлагорскай райбальніцы, а таксама матэрыяльную кампенсацыю маральнай шкоды на карысць пацярпелых са Светлагорскага ЦКК у памеры 560 тысяч рублёў.
Выставілі абвінавачванне намесніку начальніка цэха Светлагорскага ЦКК за мінулагоднюю аварыю
«З райвыканкамам у нас заўсёды былі канструктыўныя адносіны». Як стаць «экстрэмісцкім фармаваннем», не пішучы пра палітыку
Светлагорскі ЦКК аднавіў пасля выбуху вытворчасць беленай цэлюлозы
СК правярае дзве версіі выбуху на заводзе ў Светлагорску
СК заявіў, што гаварыць пра дакладную колькасць загінулых і пацярпелых на Светлагорскім ЦКК рана
Светлагорскі ЦКК назваў імёны загінулых падчас выбуху на заводзе беленай цэлюлозы
Каментары