Медсястру з «Сінэва» асудзілі на немалы тэрмін па палітычным артыкуле і абвесцілі тэрарысткай
30-гадовай Вікторыі Верас пагражала да 12 гадоў зняволення.
22 снежня Вікторыя Верас адсвяткуе дзень нараджэння. Ёй спаўняецца 30 гадоў, але круглую дату дзяўчына сустракае не з сям'ёй, а ў камеры СІЗА. Яна палітычная зняволеная, а цяпер яшчэ і «тэрарыстка».
Вікторыя з Мінска, скончыла медыцынскі каледж. Спачатку працавала ў дзяржаўных паліклініках, пасля — у медцэнтры «Сінэва».
Чалавек, які ведае Вікторыю па каледжы, расказаў «Нашай Ніве», што ў студэнцкія гады яна не цікавілася палітыкай і ніколі не была публічнай актывісткай. Аднак падзеі 2020 года змянілі да непазнавальнасці жыцці дзясяткаў тысяч, калі не сотняў тысяч беларусаў. І Верас не стала выключэннем.
Невядома, калі Вікторыю затрымалі. Апошні суд над ёй скончыўся 18 лістапада 2024 года. Дзяўчыну судзілі па трох артыкулах — «заклікі да санкцыяў» (ч. 3 арт. 361 КК), «распальванне варожасці» (ч. 1 арт. 130 КК) і «ўдзел у дзеяннях, якія груба парушаюць грамадскі парадак» (ч. 1 арт. 342 КК). Ёй пагражаў тэрмін да 12 гадоў. Прысуд невядомы.
Судзіла яе Святлана Чарапанава. Мы прысвячалі ёй асобны артыкул.
А цяпер імя Вікторыі Верас з'явілася ў спісе «тэрарыстаў», які складае КДБ. Паведамляецца, што прысуд уступіў у сілу — падобна, апеляцыю на прысуд дзяўчына не падавала.
«Наша Нiва» — бастыён беларушчыны
ПАДТРЫМАЦЬ
Каментары
Але вар'ят Лукашэнка (як і Асад) выступіў супраць большасці народу абапіраючыся на падтрымку Масковіі, на гвалт і тэрор.
Ні ў воднай дэмакратычнай краіне праява грамацей пазіцыі не з'яўляецца злачынствам.
Злачынца гэта Лукашэнка. Ягоная сямейка злачынцы. Ягоныя апрычнікі злачынцы. Яны твораць злачынства супраць чалавецтва і гэтае злачынства не мае тэрміну даўніны.
Пра якую "перагарнуць старонку" паміж ахвярамі і злачынцамі? Злачынцамі якія твораць злачынствы супраць чалавецтва, якія фактычна твораць генацыд беларускага народу. Злачынцы якія здрадзілі Беларусі і ў якіх рукі ў крыві беларускага народу ад якой ім не адмыцца ніколі.