Пра гэта ён заявіў падчас суботніка ў Мінску.
«Яны ж там згубілі гэту спікерку. Знайсці не могуць! Знайсці не могуць. Дык знайдзіце хаця б, — сказаў ён. — У іх цяпер адна тэма. Зразумела, гэты Пачобут — вечная праблема. І яшчэ нейкая тэма.
«Каб размаўляць з намі, беларусы павінны зрабіць гэта». Я кажу: «Ды пашліце вы іх». Мы нікому нічога не павінны. Хочаце — сядаем, размаўляем».
Паводле яго слоў, Беларусь у свой час хацела выдаць Польшчы асуджанага на восем гадоў Анджэя Пачобута, аднак польскі бок адмовіўся. «А Пачобут сказаў: «Я туды не паеду». У нас гэта ўсё запісана. І ўсе нас дакорваюць, што мы кагосьці ўціскаем. Нікога мы не ўціскаем. Месца ўсім хапае», — сказаў Аляксандр Лукашэнка.
Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.
7 красавіка журналістам «Люстэрка» ўдалося паразмаўляць з былым мужам Анжалікі Мельнікавай, які пацвердзіў, што знаходзіцца ў Беларусі, а дзеці — пры ім. Бацькі Мельнікавай у размове з журналістам «Еўрарадыё» таксама пацвердзілі, што дзеці знаходзяцца ў Беларусі, а пра месцазнаходжанне самой Анжалікі яны самі нічога не ведаюць і трывожацца.
У сераду КР заявіла, што з тэлефона Анжалікі былі скачаныя некаторыя дакументы, што тычацца Рады.
-
«Лукашэнку нельга назваць нават малодшым партнёрам Пуціна». Кіт Келаг расказаў пра ролю Лукашэнкі ў перамовах ЗША і Расіі
-
У Барысаве дзяцел заняўся дызайнам фасадаў і не дае жыхарам зранку спаць
-
«Так званая постпенітэнцыярная адаптацыя». Дэпартаваны палітвязень Кірыла Пазняк апублікаваў сваё ФОТА з дочкамі
Каментары