Украінскі праект «Хачу жыць» назваў імёны больш за 700 беларусаў, якія ваявалі на расійскім баку ПОЎНЫ СПІС
Паводле апублікаваных даных, у шэрагах расійскай арміі ваявалі не менш за 742 чалавекі з беларускімі пашпартамі. Пры гэтым адзначаецца, што гэты спіс далёка не поўны. Загінулі не менш за 96 чалавек. Гэта тыя, пра каго вядома дакладна — калі і дзе яны загінулі і пахаваныя, паведамляе праект.
Як паведамляюць аўтары спісу, па стане на пачатак 2025 года ў расійскай арміі былі як мінімум 742 найміты з пашпартам Рэспублікі Беларусь. У спіс не ўвайшлі грамадзяне РБ, якія таксама маюць расійскі пашпарт.
Аўтары канала мяркуюць, што калі для наймітаў з іншых краін вырашальным матывацыйным фактарам з'яўлялася беднасць, то ў выпадку з грамадзянамі Беларусі гаворка хутчэй ідзе пра ідэалагічны складнік. «Ні для каго не сакрэт, што беларускае грамадства, па сутнасці, жыве ў адзінай інфармацыйнай прасторы з РФ, таму мужыкі хочуць верыць у казкі прапагандыстаў пра «нацыстаў ва Украіне» і ваююць за «агульнае савецкае мінулае». Не спыняе іх нават перспектыва атрымаць да 15 гадоў пазбаўлення волі за найміцтва згодна КК РБ», — пішуць аўтары.
Яны звярнуліся непасрэдна да беларусаў, што выбралі расійскі бок: «Колькі б вас ні апрацоўвала расійская прапаганда, гэта вайна не ваша. Гэта вайна двух шалёных дыктатараў, якія разменьваюць тысячы жыццяў дзеля сваіх уласных амбіцый. Калі вы апынуліся на вайне ва Украіне — звяртайцеся ў праект «Хачу жыць», дзе вам дапамогуць здацца і захаваць жыццё».
Дакладнай лічбы беларусаў, якія ваявалі за незалежнасць Украіны ў складзе Палка Каліноўскага і іншых структур УСУ, не называлася. Меркавана, гэта да тысячы чалавек.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення14
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары