Гігін атакуе Эйдэльман за лекцыю пра БНР: Пустое месца, поўны чайнік
Прапаганда не даравала расійскаму гісторыку Тамары Эйдэльман яе лекцыі па гісторыі Беларусі і найперш пра БНР. На БТ выпусцілі пра яе сюжэт.
Дэпутат Вадзім Гігін абурыўся, што для сваіх лекцый Эйдэльман выкарыстоўвала матэрыялы «Белсата».
«Наогул я да гэтай спадарыні Эйдэльман стаўлюся індыферэнтна, яна для мяне пустое месца. (…) У спадарыні Эйдэльман ўся гісторыя — гэтая гісторыя для чайнікаў ад чайніка. Вось яна ў гісторыі поўны чайнік. У гісторыі Беларусі чайнік у квадраце, можа быць і ў кубе», — заявіў Гігін.
Ён перакананы, што гісторыку замовілі «выраб а-ля гісторыя Беларусі». У сюжэце таксама спрабуюць звесці на нішто ролю БНР.
«Уся гэтая гісторыя — гэта, мякка кажучы, такая сітуацыя, дзе няма чым ганарыцца», — выказаўся Гігін пра БНР.
Імаверна, такую рэакцыю прапагандыстаў выклікала папулярнасць лекцый Эйдэльман. Яе ролікі пра гісторыю Беларусі сабралі ад 157 тысяч да 494 тысяч праглядаў.
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары