Бондарава б’е трывогу: у Бабруйску Ленін пакрыўся цвіллю, а на адміністрацыю павесілі «БЧБ-арнамент» з дзяржсцяга
Прарасійская актывістка атакуе мясцовыя ўлады Бабруйска — у тым ліку за адзін з дзяржаўных сімвалаў.
Гродзенская даносчыца Вольга Бондарава распачала чарговы «крыжовы паход» — гэтым разам супраць бабруйскіх чыноўнікаў. Прычынай стаў, на яе думку, занядбаны помнік Леніну.
Бондарава апублікавала фота помніка, што стаіць на плошчы Леніна насупраць гарвыканкама. На здымку відаць, што манумент заржавеў і пакрыўся зялёнай цвіллю. Помнік Леніну яна назвала «гісторыка-культурнай каштоўнасцю беларускага народа» і абурылася злачынным бяздзеяннем чыноўнікаў.
«Так вось «рэстаўратары» рэстаўруюць гісторыка-культурную спадчыну беларускага народа.
Занядбаны да немагчымасці помнік з цвіллю стаіць пад самымі вокнамі выканкама ў цэнтры горада — і нікому з жыхароў гэтай неверагоднай установы не мазоліць ні вока, ні сумленне. Ні дэпутатам з памочнікамі, ні старшыні з яго намеснікамі і намеснікамі намеснікаў», — напісала Бондарава.
Акрамя таго, даносчыца абвінаваціла ў бяздзеянні мясцовых камуністаў і нават Алеся Дзерманта, які «амаль штодня б’е сябе пятаю ў грудзі, прызнаючыся ў любові да Уладзіміра Ільіча». Нагадаем, саму Бондараву з партыі выгналі.
Ёсць у яе допісе і чарговая «крамола»: актывістка заявіла, што будынак выканкама аформлены ў «БЧБ-каляроўцы». «Няправільныя колеры» яна ўгледзела ў арнаменце дзяржаўнага сцяга.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»3
Каментары
[Зрэдагавана]
Тэкст пачынаўся так:
"Дата рождения: 18.11.1883 ці 06.11.1884 Мікалаеўшчына, в., Стаўбцоўскі раён, Мінская вобласць. Дата смерти: 01.04.1940. Краткая справка: мовазнавец, пісьменнік,"
Пошук Гугла выдае спасылку [Рэд. Выдалена], але пераход па ёй прыводзіць на старонку нац.бібліятэкі з надпісам "404 Страница не найдена".
[Зрэдагавана]