Грамадства1717

Паглядзіце, як раскошна жыла Бондарава ў сталіцы за 30 рублёў. Цяпер не будзе

Пасля адлічэння з універсітэта Вольга Бондарава страціла і права на пакой у студэнцкім інтэрнаце. Даносчыцы, якая хвалілася сацыяльнымі прывілеямі, што давала ёй дзяржава, цяпер давядзецца шукаць новае месца жылля.

Бондарава ў калідоры блока ў студэнцкім інтэрнаце. Скрыншот відэа

У 2022 годзе даносчыца паступіла на філалагічны факультэт Беларускага дзяржаўнага педагагічнага ўніверсітэта, дзе да апошняга часу вучылася на бюджэце на дзённым аддзяленні па спецыяльнасці «Беларуская мова і літаратура». Пры залічэнні жыхарка Гродна атрымала месца ў інтэрнаце, які размяшчаецца ў студэнцкай вёсцы ў Пятроўшчыне.

​26 сакавіка 2025 года Бондарава была асуджана на 13 сутак адміністрацыйнага арышту паводле «экстрэмісцкага» артыкула. Як паведамілі «Люстэрку» ў дэканаце філфака БДПУ, даносчыцу, якая два тыдні правяла на Акрэсціна, адлічылі з універсітэта.

Гэта значыць, што яна аўтаматычна страціла права на месца ў студэнцкім інтэрнаце і будзе вымушаная або шукаць новае жытло ў сталіцы, або вярнуцца ў Гродна. 

Кухня ў студэнцкім інтэрнаце. Скрыншот відэа
Кухня ў студэнцкім інтэрнаце. Скрыншот відэа

Раней Вольга Бондарава жыла ў вельмі камфортных умовах, якія абыходзіліся ёй усяго ў 30 рублёў за месяц (так яна расказвала ў 2022-м), і нават хвалілася сваім жытлом у відэароліку на сваім ютуб-канале. Зняць ролік пра свой інтэрнат яе падштурхнула відэа, у якім крытыкаваліся тыя ўмовы, што прапануюцца іншагароднім студэнтам.

«Бесіць. Бесіць гэтае змагар’ё, што пастаянна ўсім незадаволенае, пастаянна шукае, да чаго прычапіцца, да самых дробязяў. Не падабаецца тут, у Беларусі — чамадан, вакзал, Львоў. Ці Варшава. Ці Вільня. Жывіце там, плаціце не 30 рублёў у месяц за інтэрнат, а 300 еўра», — абуралася даносчыца на чужыя скаргі.

«Я хачу паказаць свой пакой, дзе я жыву. У мяне няма ніякіх сувязяў — я проста прыехала, паступіла і пасялілася».

Ручнік з эмблемай АМАПа. Скрыншот відэа
Ванны пакой у блоку студэнцкага інтэрната. Скрыншот відэа
Туалет у блоку студэнцкага інтэрната. Скрыншот відэа

Вольга Бондарава паказала прасторныя калідоры свайго інтэрната і ўтульны блок на два пакоі з уласнай кухняй, туалетам і ванным пакоем. На змеевіку ў ванным пакоі ў яе сушыўся лазневы ручнік з эмблемай АМАПа. 

Даносчыца была задаволеная далікатным рамонтам і тым, што ў блоку пры засяленні ўжо была ўся патрэбная абстаноўка і тэхніка, у тым ліку халадзільнік на кухні. 

«Усё проста цудоўна. Яшчэ раз паўтаруся: гэта не за шалёныя грошы, гэта ўсё — частка дзяржаўнай сістэмы абароны студэнтаў».

Шафа ў жылым пакоі інтэрната. Скрыншот відэа
Ложак у жылым пакоі інтэрната. Скрыншот відэа
Ложак у жылым пакоі інтэрната. Скрыншот відэа

«Дзяржава робіць максімум з таго, на што, напэўна, здольная, і не прымушае браць крэдыты на адукацыю. Не — дзяржава дае бясплатную адукацыю. Дзяржава дае магчымасць атрымаць і дадатковую адукацыю, і прафарыентацыю, і прапануе забаўляльныя праграмы, плюс вялікія зніжкі для студэнтаў, вельмі шмат пазнавальных мерапрыемстваў, розных канферэнцый, круглых сталоў, конкурсаў», — сцвярджала Бондарава.

Разжалаваная камуністка не ўлічыла, што ўсе яе сталічныя даброты і сацыяльныя прывілеі аплачаны дзяржавай з кішэні падаткаплацельшчыкаў, большасць з якіх, мяркуючы па 2020 годзе, з’яўляюцца тымі самі «змагарамі», якія выступаюць супраць рэжыму Лукашэнкі і якіх так шалёна ненавідзіць сама Бондарава.

Бондарава на сваёй шкуры зведала, як лёгка ў беларускай быццам бы сацыяльнай сістэме страціць усё. Ні ў Варшаве, ні ў Вільні не існуе «экстрэмісцкіх матэрыялаў», за лайк ці рэпост якіх можна трапіць на суткі, як не існуе і практыкі адлічэння за адміністрацыйныя правапарушэнні. У Беларусі ж ты не маеш ніякіх гарантый, нават калі шмат гадоў выказваеш сваю лаяльнасць рэжыму.

«Наша Нiва» — бастыён беларушчыны

ПАДТРЫМАЦЬ

Каментары17

  • Лазня з амапаўцам
    15.04.2025
    Наўрадці ў дзяржаўных студэнцкіх інтэрнатах выдаюць лазневця ручнікі з эмблемай АМАПа.
    Хутчэй за ўсё яна прывалакла яго з сабой. З лазні. Дзе які-небудзь амапавец ёй аддаў свой ручнік.
    Што на гэта скажа яе муж?
    • Муж
      15.04.2025
      Лазня з амапаўцам, Была інфармацыя, што з мужам шлюб скасаваны. Які адэкватны мужчына зможа жыць з такой (нават слоў не хапае, каб ахарактэрызаваць гэтую асобу)?
  • Віленчук
    15.04.2025
    Дзе тут раскоша?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памерла 45-гадовая экс-палітзняволеная Тамара Каравай. Летась яе вызвалілі па памілаванні14

Памерла 45-гадовая экс-палітзняволеная Тамара Каравай. Летась яе вызвалілі па памілаванні

Усе навіны →
Усе навіны

У Барысаўскім раёне ласяня выйшла па дапамогу да людзей ФОТЫ

Не надта прызнаны ў Беларусі кампазітар стаў выключна папулярным у свеце8

Зяленскі: Гарантаваць бяспеку падчас параду ў Маскве прасіў Кітай5

Вынеслі папярэджанне заснавальніку «Першага музычнага канала»2

«Гэта ж трэба дадумацца». У Жлобіне знайшлі «самую страшную» скульптуру Беларусі11

Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва3

Пуцін назваў прыдуркамі лідараў краін, якія ўводзяць санкцыі супраць Расіі8

Пуцін заявіў пра амаль двухразовы рост колькасці ахвотных адправіцца на вайну ва Украіну10

Тры беларускія дызайнеркі паказалі калекцыі на прэстыжным паказе ў Брусэлі ФОТЫ

больш чытаных навін
больш лайканых навін

Памерла 45-гадовая экс-палітзняволеная Тамара Каравай. Летась яе вызвалілі па памілаванні14

Памерла 45-гадовая экс-палітзняволеная Тамара Каравай. Летась яе вызвалілі па памілаванні

Галоўнае
Усе навіны →

Заўвага:

 

 

 

 

Закрыць Паведаміць