У вёсцы Высокі Бераг Барысаўскага раёна адбылася рэдкая сітуацыя: з лесу да людзей выйшла адзінокае ласяня. Па словах відавочцаў, жывёліна паводзіла сябе спакойна і відавочна мела патрэбу ў дапамозе, піша «Смартпрэс».
На гарачую лінію звярнулася мясцовая жыхарка. Пасля сігналу на месца выехалі спецыялісты. Як высветлілася падчас агляду, ласяня было здаровае, але праз зусім малады ўзрост і адсутнасць маці ў яго не было шанцаў выжыць у лесе.
Камісія прыняла рашэнне часова перадаць жывёліну на ператрымку ў Барысаўскі вопытны лясгас. Там пра ласяня будуць клапаціцца егеры і ветэрынары. Пасля таго, як адужае, жывёліна вернецца ў дзікую прыроду, паведамілі ў лясгасе.
У Беларусі выпадкі дапамогі дзікім жывёлам фіксуюцца рэгулярна. 10 мая знясіленае ласяня выратавалі ў Гарадоцкім раёне ў вёсцы Смалоўка. Паколькі малое мела патрэбу ў доглядзе, яго перадалі ў Віцебскі заапарк.
Спецыялісты нагадваюць: пры сустрэчы з дзікай жывёлінай важна не спрабаваць яе прыручыць ці карміць, а неадкладна звярнуцца ў экалагічныя службы.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары