Сямідзённае ласянятка адстала ад мамы ласіхі і прыбілася да статка кароў у Пастаўскім раёне
Маленькае ласяня, якое прыбілася да статка кароў у Пастаўскім раёне, перадалі спецыялістам цэнтра дапамогі птушкам і жывёлам «Пустальга».
У камітэце па прыродных рэсурсах расказалі Kraj.by: «Узрост жывёлы не перавышаў сямі дзён. Паколькі была вялікая верагоднасць, што маці ласянятка вернецца, пастухам было дадзена ўказанне не дакранацца да жывёлы рукамі. Але прайшло некалькі дзён, а ласіха так і не з’явілася. Маленькае дзіця засталося адно сярод статка кароў, і ўзнікла пагроза яго гібелі ад знясілення».
30 красавіка камісія прыняла рашэнне перадаць ласяня Цэнтра дапамогі птушкам і жывёлам «Пустальга», размешчанай у вёсцы Ласі Маладзечанскага раёна. На дапамогу ў дастаўцы жывёлы адгукнуліся валанцёры, якія аператыўна прыбылі ў Паставы, дзе ім і было перададзена ласяня. Праз дзве гадзіны жывёла была дастаўлена да месца будучага часовага знаходжання.
Удзельнікі выратавальнай аперацыі выказваюць надзею, што жывёліне там будзе добра, яна акрыяе і з цягам часу будзе адпушчана ў навакольнае асяроддзе.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары