Прэзідэнт ЗША Дональд Трамп і прэзідэнт Расіі Уладзімір Пуцін далі зразумець, што не возьмуць удзелу ў тым, што можа стаць першымі прамымі мірнымі перамовамі паміж Масквой і Кіевам за апошнія тры гады, што павінны адбыцца ў чацвер. Замест гэтага Крэмль накіраваў групу тэхнакратаў, піша Reuters.com.
Пуцін у нядзелю прапанаваў прамыя перамовы з Украінай у Стамбуле ў чацвер «без усялякіх перадумоў». Позна ўвечары ў сераду Крэмль паведаміў, што ў дэлегацыю ўвойдуць прэзідэнцкі дарадца Уладзімір Мядзінскі і намеснік міністра абароны Аляксандр Фамін — але імя Пуціна ў спісе адсутнічае.
Пасля абвяшчэння складу расійскай дэлегацыі адзін з прадстаўнікоў ЗША заявіў, што Трамп, які цяпер знаходзіцца з візітам у трох краінах Блізкага Усходу, не возьме ўдзелу. Раней амерыканскі лідар заяўляў, што разглядае магчымасць удзелу.
Хаця Пуцін ніколі не пацвярджаў, што возьме ўдзел асабіста, адсутнасць прэзідэнтаў Расіі і ЗША зніжае чаканні адносна значнага прагрэсу ў вайне.
Прэзідэнт Украіны Уладзімір Зяленскі заклікаў Пуціна прыняць удзел у перамовах «калі ён не баіцца», што выглядае як спроба паказаць Трампу, хто на самай справе больш хоча міру — Украіна ці Расія.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў1
Каментары