Пастаўкі Украіне ракет Taurus пад пытаннем з-за пазіцыі міністра фінансаў Германіі
Пастаўкі Украіне дальнабойных ракет Taurus маглі апынуцца пад пытаннем, паколькі супраць гэтага выступае новы міністр фінансаў Германіі Ларс Клінгбайль, піша брытанскае выданне The Guardian.
Выданне звяртае ўвагу, як змянілася рыторыка федэральнага канцлера Германіі Фрыдрыха Мерца пасля таго, як ён заявіў пра зняцце абмежаванняў дальнабойнасці для перададзенай Украіне заходняй зброі.
На наступны дзень пасля таго Мерц заявіў, што дазвол існаваў ужо даўно, і ўхіліўся ад адказу, ці гатовы выканаць сваё перадвыбарчае абяцанне — паставіць Украіне ракеты Taurus.
«Існуе вялікая імавернасць, што міністр фінансаў, сацыял-дэмакрат Ларс Клінгбайль звязаў рукі Мерцу. Гэта нагадвае паўтарэнне гісторыі, якая напаткала папярэдні кааліцыйны ўрад. Магчыма, менавіта падчас знаходжання на пасадзе Мерц лепш усвядоміў складанасці, у прыватнасці неабходнасць шасцімесячнай падрыхтоўкі ўкраінцаў да выкарыстання гэтых ракет, а таксама наступствы таго, што нямецкія салдаты будуць праводзіць вучэнні на тэрыторыі Украіны», — гаворыцца ў матэрыяле.
У той жа час саюзнікі Мерца, у прыватнасці, старшыня камітэта Бундэстага па пытаннях абароны Томас Рывекамп (ХДС), сцвярджаюць, што ўжо сама заява пра зняцце абмежаванняў па далёкасці удараў углыб Расіі «яшчэ не з'яўляецца абавязацельствам па пастаўках Taurus, але ліквідуе прычыну папярэдняй адмовы ў пастаўках».
Мерц паабяцаў дапамагчы Украіне з распрацоўкай уласнай дальнабойнай зброі
Рашэнне аб перадачы Германіяй Украіне ракет Taurus яшчэ не прынята
У Крамлі адрэагавалі на словы Мерца пра дазвол далёкіх удараў па Расіі
ЗША, Германія, Брытанія і Францыя знялі абмежаванні па далёкасці з ваенных паставак Украіне
Каментары