У Крамлі адрэагавалі на словы Мерца пра дазвол далёкіх удараў па Расіі
Прэс-сакратар прэзідэнта Расіі Уладзіміра Пуціна Дзмітрый Пяскоў пракаментаваў заяву федэральнага канцлера Германіі Фрыдрыха Мерца пра тое, што заходнія саюзнікі — Германія, ЗША, Вялікабрытанія і Францыя — знялі абмежаванні на далёкасць удараў зброі, якую пастаўляюць Украіне.
Дзмітрый Пяскоў і Уладзімір Пуцін. Фота: Sputnik, Kremlin Pool Photo via AP
Паводле заявы Пяскова:
«Гэтыя патэнцыйныя рашэнні, калі яны сапраўды прыняты, цалкам супярэчаць нашым намерам выйсці на палітычнае ўрэгуляванне».
Раней 26 мая федэральны канцлер Германіі Фрыдрых Мерц заявіў, што Германія, ЗША, Вялікабрытанія і Францыя больш не абмяжоўваюць Украіну ў выкарыстанні заходняй зброі для удараў па аб’ектах на тэрыторыі Расіі. Гэта стала прыкметным зрухам у палітыцы заходніх краін адносна вайны ва Украіне.
Каментары