Nissan цалкам знішчыў заднюю частку Chevrolet. Нестандартная аварыя ў Мінску
Учора раніцай на праспекце Незалежнасці ва Уруччы адбылася аварыя, у якой удзельнічалі два аўто: Nissan і Chevrolet. Сутыкненне здарылася ў дзіўных абставінах, піша Onliner.by.
Усё адбылося ў раёне станцыі метро «Уручча», аўтамабілі рухаліся ў напрамку выезду з горада.
Nissan урэзаўся ў Chevrolet у крайняй правай паласе, але чаму? Адна з версій: Chevrolet мог значна запаволіцца або нават спыніцца.
— Хутчэй за ўсё, Chevrolet стаяў у першай паласе, бо, калі б ён ехаў павольна, не было б такіх моцных пашкоджанняў, — падзяліўся сваім меркаваннем аўтар відэа. — У выніку Nissan цалкам знішчыў заднюю частку Chevrolet. Усе жывыя.
Адзін з чытачоў распавёў, што быў сведкам гэтай аварыі.
— Я падняўся з МКАД на праспект Незалежнасці следам за гэтым Nissan. Ён ехаў дзіўна, па двух палосах адразу, і я прыняў рашэнне яго апярэдзіць па трэцяй паласе. Калі я яго абмінуў, то ўбачыў стаячы ў першай паласе Chevrolet. Наступныя падзеі я назіраў у люстэрку задняга віду: Nissan усё так жа ехаў па двух палосах і, не зніжаючы хуткасці, урэзаўся ў Chevrolet, — сцвярджае ён.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары