«Дэзарыентаваны СПА Украіны». У Літве назвалі найбольш верагодную версію, чаму на яе тэрыторыю зноў заляцеў чужы дрон
Вайскова-паветраныя сілы Літвы паведамілі, што зафіксавалі дрон, які ўначы заляцеў з Беларусі ў Літву, яшчэ над беларускай тэрыторыяй, і пераслалі інфармацыю пра яго ў аб’яднаны цэнтр ВПС НАТА, паведамляе LRT.
«Вайскова-паветраныя сілы арміі Літвы назіралі аб'ект, калі ён яшчэ знаходзіўся над тэрыторыяй Беларусі. Інфармацыя была перададзеная Аб'яднанаму цэнтру паветраных аперацый НАТА.
На гэты момант найбольш верагоднай лічыцца версія аб тым, што гэта — дрон, дэзарыентаваны ўкраінскай сістэмай СПА, аднак будуць разгледжаныя ўсе магчымыя сцэнары.
Цяпер вайскоўцы і прадстаўнікі іншых дзяржаўных устаноў вядуць пошукі лятальнага апарата. Пасля выяўлення аб'екта будуць выкананыя тыя ж дзеянні, што і ў выпадку з «Герберай»: праца сапёраў на месцы здарэння і наступнае расследаванне», — гаворыцца ў заяве.
Гэта ўжо другі такі выпадак за апошні месяц. Ключавы пасыл літоўскай арміі на гэты момант: у мірны час правілы прымянення сілы застаюцца ранейшымі, аднак пасля другога падобнага інцыдэнту, асабліва з улікам узрослай верагоднасці наўмысных правакацый напярэдадні вучэнняў «Захад» разглядаецца магчымасць размяшчэння сродкаў СПА ў найбольш верагодных месцах магчымага з'яўлення такіх апаратаў каля мяжы з Беларуссю.
Раней паліцыя Літвы паведаміла пра беспілотны лятальны апарат нявызначанага тыпу, які раніцай 28 ліпеня заляцеў у паветраную прастору Літвы з боку Беларусі. Беспілотнік назіралі над Вільняй а 5-й гадзіне раніцы на вышыні каля 200 метраў. Грамадзянам былі разасланыя адпаведныя SMS-паведамленні.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
Беларускія сцюардэсы Белавія, даўняя апазіцыянерка Вольга Карач і каліновец Васіль Верамейчык для іх прадстаўляюць пагрозу для іх нацыянальнай бяспекі, а расейскія дроны - не?