МЗС Літвы накіравала Беларусі ноту пратэсту з-за расійскага дрона
Міністэрства замежных спраў Літвы 16 ліпеня выклікала часовага паверанага ў справах Беларусі і ўручыла яму ноту пратэсту ў сувязі з залётам 10 ліпеня з Беларусі ў Літву расійскага беспілотніка «Гербера».
10 ліпеня расійскі дрон упаў на тэрыторыі Літвы. Міністэрства замежных спраў Літвы настойліва патрабуала ад Беларусі як мага хутчэй прадставіць тлумачэнні адносна гэтага інцыдэнту і прыняць усе неабходныя меры, каб у будучыні падобныя інцыдэнты не паўтараліся.
Сёння ў Сейме Літвы адбудзецца закрытае пасяджэнне Камітэта па нацыянальнай бяспецы і абароне, дзе абмяркуюць інцыдэнт з дронам.
Расійскі беспілотны апарат тыпу «Гербера» (імітацыя іранскага Shahed-136, які выкарыстоўваецца для перагрузкі сістэм супрацьпаветранай абароны) разбіўся 10 ліпеня каля 11:40 па літоўскім часе на тэрыторыі Літвы, у раёне закрытага пункта пропуску Шумскас, прыкладна за 1 км ад мяжы з Беларуссю.
Паводле інфармацыі даследчыкаў, перад падзеннем дрон суправаджаў верталёт Мі-35М Вайскова-паветраных сіл Беларусі, які спрабаваў яго збіць.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары