Максім Мірны ўвайшоў у трэнерскі штаб Арыны Сабаленкі ў якасці кансультанта на турніры ў Цынцынаці і будучы US Open-2025, піша Нацыянальны алімпійскі камітэт.
Сабаленка ўжо правяла трэніроўкі з Мірным у ЗША.
Максім Мірны — алімпійскі чэмпіён 2012 года ў пары з Вікторыяй Азаранкай, шматразовы пераможца турніраў Вялікага шлема ў пары, адзін з самых паспяховых тэнісістаў у гісторыі Беларусі.
У 2023 годзе Максім Мірны пакаяўся за тое, што ў 2020-м публічна падтрымаў беларускі народ, а не рэжым Лукашэнкі. У жніўні 2020 года, калі ў Беларусі пасля сфальсіфікаваных прэзідэнцкіх выбараў разгарэліся пратэсты, ён выступіў супраць гвалту і заклікаў міжнародную супольнасць дапамагчы яго спыніць. Той пратэсны пост быў выдалены з інстаграма Мірнага толькі ў канцы лютага 2021 года.
Пазней стала вядома, што ў Максіма выявілі злаякасную пухліну ў галаве. Спартсмену правялі трэпанацыю чэрапа і выдалілі пухліну ў адной з мінскіх бальніц.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку37
Каментары