Прыярытэт — спыненне агню. Зяленскі і еўрапейскія лідары паразмаўлялі з Трампам
Еўрапейскія лідары і прэзідэнт Украіны Уладзімір Зяленскі правялі відэаканферэнцыю з прэзідэнтам ЗША Дональдам Трампам напярэдадні яго сустрэчы з Уладзімірам Пуціным. Пасля гэтага яны выступілі перад журналістамі.
Уладзімір Зяленскі адзначыў, што з мінулай серады паміж Украінай, ЕС, ЗША і іншымі краінамі адбыліся дзясяткі кантактаў. Мэта ўсіх — дасягнуць міру ва Украіне і Еўропе.
Прэзідэнт Украіны падкрэсліў: калі Расія не пагодзіцца на спыненне агню, санкцыі трэба ўзмацняць. Паводле яго, Масква вядзе наступ на ўсіх кірунках, імкнучыся захапіць усю краіну. Пуцін, па словах Зяленскага, робіць выгляд, што санкцыі не дзейнічаюць, але на самой справе яны б’юць па расійскай вайсковай эканоміцы. Пры гэтым Расія мае больш, чым Украіна, зброі і артылерыі, але і страты ў яе ўтрая большыя.
«Мы гаварылі пра сустрэчу на Алясцы, мы спадзяемся, што цэнтральнай тэмай сустрэчы будзе спыненне агню, неадкладнае спыненне агню. Пра гэта неаднаразова казаў прэзідэнт Злучаных Штатаў Амерыкі. Ён прапанаваў мне, што пасля сустрэчы на Алясцы ў нас будзе з ім кантакт і мы абмяркуем усе вынікі, калі яны будуць, і мы вызначым наступныя нашы ўжо ўзаемныя крокі», — сказаў Зяленскі.
«Мне здаецца, поспех любых перамоў залежыць перш за ўсё ад выніку і настрою. Цяпер настрой у нас абсалютна аб'яднаны і ён быў цяпер вельмі пазітыўным… Гэты настрой — гэта ўжо важны крок наперад. Што тычыцца гістарычнасці моманту, я не хацеў бы цяпер такіх вельмі гучных слоў — давайце дачакаемся выніку.
У кожным разе, ключавыя пытанні […] адносна нашых прынцыпаў, адносна нашай тэрытарыяльнай цэласнасці, урэшце ўсё адно вырашаюцца на ўзроўні лідараў. Без Украіны гэта вырашыць немагчыма, і, дарэчы, усё гэта таксама падтрымліваюць», — сказаў Зяленскі.
Прэзідэнт Францыі Эмануэль Макрон заявіў, што Трамп разумее: усе тэрытарыяльныя пытанні трэба вырашаць толькі з удзелам Украіны.
Ён лічыць, што цяпер немагчыма сур’ёзна абмяркоўваць абмен украінскіх земляў, бо вайна працягваецца і ўсё залежыць ад гарантый бяспекі. Але Трамп нібыта можа дамовіцца пра спыненне агню.
Макрон назваў сітуацыю еўрапейскай праблемай і нагадаў, што Расія пачала сваю агрэсію яшчэ ў 2008 годзе на Каўказе і можа пайсці далей.
Федэральны канцлер Германіі Фрыдрых Мерц заявіў, што прэзідэнт ЗША Дональд Трамп пасля сустрэчы з Уладзімірам Пуціным на Алясцы праінфармуе пра яе вынікі прэзідэнта Украіны Уладзіміра Зяленскага і лідараў еўрапейскіх краін.
«Мы спадзяемся на пэўны рух, на тое, што будзе мір ва Украіне», — сказаў ён.
«Вядома, мы гаварылі пра пытанне спынення агню. Прэзідэнт Трамп хоча гэта паставіць як прыярытэт у пятніцу падчас сустрэчы з Пуціным. Я спадзяюся, што дойдзе да пэўнага ўзгаднення, таму што за папярэднія тры гады ўсе размовы з ім прыводзілі да ўзмацнення ваеннага адказу», — падкрэсліў Мерц.
Украіна мае пяць ключавых патрабаванняў у рамках урэгулявання вайны
Сустрэча Пуціна і Трампа адбудзецца на вайсковай базе ЗША на Алясцы
Зяленскі: Я не чуў ніводнай прапановы, якая б гарантавала, што заўтра пасля выхаду з Данбаса не пачнецца новая вайна
Кэралайн Лівіт: Магчыма, у будучыні плануецца паездка Трампа ў Расію
Зяленскі паведаміў пра «добрыя навіны» і расказаў, што адбылося каля Дабраполля
Каментары
У него другие приоритеты, - обнять путина, подержать его за руку, похлопать его по плечу и продолжить задушевные, многочасовые беседы с лучшим другом владимиром.
Даже ультиматум объявил, чтобы друг владимир приехал на задушевную встречу.
Иначе, друг владимир оставит трампа в одиночестве, один на один с страшной и злой Европой и ещё более страшной, злой и гадкой Украиной.