Прэс-сакратарка Белага дома Кэралайн Левіт праводзіць прэс-канферэнцыю, прысвечаную маючай адбыцца сустрэчы Дональда Трампа з Уладзімірам Пуціным, запланаванай на пятніцу на Алясцы.
Паводле слоў прэс-сакратаркі Трампа, сустрэча адбудзецца ў Анкорыджы — галоўным горадзе Аляскі.
Кэралайн Левіт падкрэсліла, што галоўная мэта гэтай сустрэчы — спроба пакласці канец вайне і спыніць гвалт.
Тлумачачы, чаму на перамовы не быў запрошаны Уладзімір Зяленскі, прэс-сакратарка заявіла, што ініцыятыва паходзіла ад Пуціна. Трамп, маўляў, пагадзіўся на сустрэчу менавіта па ягонай просьбе, каб лепш зразумець, як можна пакласці канец вайне. Раскрываць дэталі нядаўняй размовы Трампа з Зяленскім Левіт адмовілася.
Паводле яе слоў, размова Трампа з Пуціным будзе весціся адзін на адзін.
На пытанне. як Трамп будзе ацэньваць поспех сустрэчы і ці гатовы ён спыніць перамовы ў выпадку няшчырасці Пуціна, прэс-сакратарка адказала, што «не хацела б рабіць здагадак».
Гэтая сустрэча, дадала Левіт, «магчымасць выслухаць адзін з бакоў канфлікту і атрымаць больш дакладнае разуменне шляхоў да міру». Яна таксама пацвердзіла, што ўжо ёсць планы датычна будучай паездкі Трампа ў Расію.
«Магчыма, у будучыні плануецца паездка Трампа ў Расію, але ў пятніцу Трамп сустрэнецца з Пуціным на Алясцы», — сказала Левіт.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная18
Каментары
Мабыць як яшчэ адна зямлячка па маці Моніка