Падчас закрытай сустрэчы на палях Генасамблеі ААН у Нью-Ёрку прэзідэнт Украіны Уладзімір Зяленскі папрасіў у прэзідэнта ЗША Дональда Трампа даць Украіне крылатыя ракеты Tomahawk, якія маюць далёкасць, дастатковую для дасягнення Масквы.
Паводле крыніц выдання The Telegraph, Зяленскі аргументаваў сваю просьбу тым, што такая высокатэхналагічная зброя можа змусіць кіраўніка Расіі Уладзіміра Пуціна сесці за стол перамоў.
Некалькі крыніц гавораць, што размова паміж лідарамі прайшла вельмі пазітыўна, а сам Зяленскі пасля сустрэчы сказаў, што Трамп прыхільна адрэагаваў на просьбу пра ракеты вялікай далёкасці і што наяўнасць такой зброі стала б дадатковым ціскам на Пуціна — хаця гэта не значыць, што яе абавязкова будуць выкарыстоўваць.
«Прэзідэнт Трамп ведае, я ўчора (сказаў) яму, што нам трэба адна рэч. Нам гэта трэба, але гэта не значыць, што мы будзем гэта выкарыстоўваць. Таму што, калі ў нас гэта будзе, я думаю, гэта будзе дадатковым ціскам на Пуціна, каб ён сеў за стол перамоў», — заявіў украінскі прэзідэнт.
Далёкасць ракет Tomahawk вар’іруецца ад прыкладна 1 250 да 2 500 км у залежнасці ад мадэлі; экспартныя версіі звычайна маюць далёкасць да ~1 600 км.
Дыпламатычныя крыніцы таксама паведамілі, што дзяржаўны сакратар ЗША Марка Рубіа інфармаваў еўрапейскіх калег пра змену тону Трампа ў бок Украіны і што Трамп моцна абураны на Пуціна за працяг вайны.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары