Адміністрацыя Трампа паведаміла часовай прэзідэнтцы Венесуэлы Дэлсі Радрыгес, што Каракас мусіць выканаць патрабаванні Белага дома, перш чым яму дазволяць павялічыць здабычу нафты, піша ABC.
Вашынгтон настойвае, што Венесуэла мусіць выгнаць з краіны саветнікаў і агентаў з Расіі, Кітая, Ірана і Кубы, а таксама разарваць з гэтымі краінамі эканамічныя сувязі.
Па-другое, Венесуэла павінна пагадзіцца на эксклюзіўнае партнёрства з ЗША ў нафтаздабычы і аддаваць перавагу Амерыцы пры продажы цяжкай сырой нафты.
Дзяржсакратар ЗША Марка Рубіа на закрытым брыфінгу для заканадаўцаў заявіў, што ЗША могуць прымусіць Венесуэлу да саступак, бо яе наяўныя танкеры запоўненыя. Рубіа таксама адзначыў: паводле ацэнак ЗША, у Каракаса ёсць усяго пара тыдняў, перш чым краіна стане фінансава неплацежаздольнай без продажу сваіх нафтавых рэзерваў.
Старшыня камітэта Сената па ўзброеных сілах Роджэр Уікер пацвердзіў, што план ЗША грунтуецца на кантролі над венесуэльскай нафтай. Ён дадаў, што не лічыць, што гэта запатрабуе разгортвання амерыканскіх войскаў.
«Урад сапраўды мае намер кантраляваць нафту, узяўшы пад нагляд караблі і танкеры, і ніводзін з іх не адправіцца ў Гавану. І пакуль яны не пачнуць рухацца — мы спадзяёмся, на адкрыты рынак — больш няма танкераў для запаўнення, бо яны забітыя пад завязку», — сказаў Уікер.
Белы дом не стаў абвяргаць гэтую інфармацыю. Высокапастаўлены прадстаўнік адміністрацыі заявіў:
«Прэзідэнт Трамп кажа пра выкарыстанне максімальных рычагоў ціску на элементы, якія засталіся ў Венесуэле, каб гарантаваць іх супрацоўніцтва са Злучанымі Штатамі ў справе спынення нелегальнай міграцыі, наркатрафіку, аднаўлення нафтавай інфраструктуры і дзеянняў на карысць венесуэльскага народа».
Уікер паведаміў, што ў Венесуэлы больш няма даступных танкераў для перавозкі нафты.
«Паводле маёй інфармацыі, Венесуэла не можа больш здабываць сырую нафту, бо яе няма куды падзець і няма куды адправіць. Танкеры поўныя і чакаюць адпраўкі ў адпаведнае месца — спадзяюся, для продажу на адкрытым рынку, а не для таго, каб быць бясплатна перададзенымі Кітаю», — адзначыў Уікер.
Трамп напісаў у сацсетках, што «часовыя ўлады» Венесуэлы перададуць ЗША ад 30 да 50 мільёнаў барэляў нафты для продажу па рынкавай цане. Трамп заявіў, што гэтыя сродкі будуць пад яго кантролем, «каб гарантаваць іх выкарыстанне на карысць народа Венесуэлы і Злучаных Штатаў!».
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Нічога гэта не нагадвае?) Пуцін таксама патрабаваў ад Украіны выгнаць "з сабе" ўплыў ЗША, Эўропы і Брытаніі.