Былы прэм'ер-міністр Вялікабрытаніі Борыс Джонсан узнагароджаны «Знакам каманднага гонару». Узнагароду брытанскаму палітыку ўручыў дарадца Святланы Ціханоўскай па дыпламатычных пытаннях Дзяніс Кучынскі.
Сустрэча прайшла 7 студзеня ў Лондане. Як паведаміў Кучынскі, падчас доўгай размовы яны абмеркавалі, як падтрымаць свабодную Беларусь і Украіну, а таксама важнасць адзінства дэмакратый у супрацьстаянні дыктатарам.
«Борыс Джонсан быў непахісным прыхільнікам свабоды ў нашым рэгіёне. У 2021 годзе ён стаў першым прэм'ер-міністрам, які прыняў Святлану Ціханоўскую ў рэзідэнцыі на Даўнінг-стрыт, 10. Гэтае смелае лідарства дапамагло ўзмацніць міжнароднае прызнанне дэмакратычных сіл Беларусі», — адзначыў дарадца.
Таксама ён нагадаў, што Джонсан быў сярод першых сусветных лідараў, хто прыехаў у Кіеў пасля пачатку поўнамаштабнага расійскага ўварвання ў 2022 годзе, прапанаваўшы Украіне беспрэцэдэнтную падтрымку.
Ад імя Ціханоўскай Джонсану ўручылі «Знак каманднага гонару». Гэтай узнагародай адзначаюцца тыя, хто зрабіў выключны ўнёсак у беларускую справу.
«Сапраўдны саюзнік. Рэальны камандны гулец. Сябар свабоды», — рэзюмаваў сустрэчу прадстаўнік Офіса.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары