Трамп расказаў пра новую гукавую зброю, дзякуючы якой захапілі Мадура
Прэзідэнт ЗША Дональд Трамп заявіў, што падчас аперацыі па затрыманні прэзідэнта Венесуэлы Нікаласа Мадура 3 студзеня амерыканскія вайскоўцы выкарысталі сакрэтную распрацоўку — гукавое «цуда-ўзбраенне», якога, па яго словах, «ніхто больш не мае». Трамп адзначыў, што «лепш пра гэта не казаць», аднак падкрэсліў, што гэта была «ўзрушаючая атака».
Раней прэс-сакратарка Белага дома Кэралайн Левіт перапосціла ў X інтэрв’ю з чалавекам, які прадстаўляўся ахоўнікам Мадура. Ён расказаў, што падчас ягонага затрымання амерыканскія спецназаўцы прымянілі невядомае ўзбраенне, якое выклікала «моцную гукавую хвалю».
Па словах сведкі, ён адчуў, што «галава ўнутры выбухае», ва ўсіх удзельнікаў пачаўся крывацёк з носа, некаторыя нават ванітавалі крывёй, і яны не маглі рухацца. Сведка падкрэсліў, што ніколі нічога падобнага раней не бачыў.
Ананімны венесуэльскі вайсковец таксама адзначаў у New York Post, што амерыканцы выкарысталі супраць сілавікоў незнаёмае ўзбраенне, з якім яны да гэтага не сутыкаліся.
У адказ прэс-сакратар прэзідэнта Расіі Дзмітрый Пяскоў паведаміў, што адказныя службы Расіі збіраюць і аналізуюць інфармацыю пра падобныя ўзбраенні і дадуць тлумачэнні адносна заяў Трампа. Ён адзначыў:
«У нас, вы ведаеце, ёсць адпаведныя службы, у задачах якіх ёсць збор інфармацыі на гэты конт і аналіз гэтай інфармацыі. Яны выконваюць сваю працу. У гэтым выпадку, напэўна, трэба будзе пачуць нам тлумачэнне адносна таго, што мае на ўвазе прэзідэнт ЗША».
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары