«Бог вельмі ганарыцца працай, якую я зрабіў». Трамп вылецеў на Сусветны эканамічны форум у Давосе
Паводле звестак Белага дома, прэзідэнт ЗША вылецеў у Цюрых. Сёння чакаецца ягоны выступ у Давосе.
Раней прэзідэнцкі борт Air Force One быў вымушаны вярнуцца на базу Сэнт-Эндрус пад Вашынгтонам з-за нязначнай няспраўнасці ў электраправодцы. Пасля гэтага Трамп разам з камандай перасеў на два новыя самалёты і паўторна вылецеў у Швейцарыю.
У краіне ўжо праходзяць акцыі пратэсту супраць прэзідэнта ЗША: жыхары праецыруюць карыкатурныя выявы Трампа на гарналыжныя схілы.
У Альпах таксама загарэўся надпіс «Не каралям».
«Думаю, Бог вельмі ганарыцца працай, якую я зрабіў. У тым ліку і ў сферы рэлігіі. І гэта ўключае рэлігію. Вы ведаеце, мы абараняем многіх людзей, якіх забіваюць: хрысціян, яўрэяў. Я абараняю шмат людзей, якіх не абараняў бы іншы прэзідэнт», — заявіў Трамп перад вылетам.
Сёння Трамп павінен выступіць з праграмнай прамовай, а таксама сустрэцца з кіраўнікамі дзяржаў і лідарамі сусветнага бізнэсу. Увечары чакаецца нефармальная камунікацыя.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары